பகீர் வீடியோ.. ஒரே மிதி.. ஆக்ரோஷமான காட்டு யானை.. நூலிழையில் உயிர் தப்பிய சுற்றுலா பயணி..!
கேரள எல்லையில் உள்ள தேசிய நெடுஞ்சாலையில் காட்டு யானையிடம் இருந்து இரண்டு சுற்றுலாப் பயணிகள் தப்பியதை மற்றொரு வாகனத்தில் சென்ற சுற்றுலா பயணி ஒருவர் வீடியோ எடுத்துள்ளார். அந்த வீடியோ தற்போது வைரலாக பரவி வருகிறது. நேற்று மாலை கேரள-கர்நாடக எல்லையோர பகுதியில் காரில் வந்த சுற்றுலா பயணிகள் சிலர் குட்டியுடன் 2 யானைகள் சாலையோரம் மேய்ந்து கொண்டிருந்ததை பார்த்தனர்.
அப்போது காரில் வந்த இருவர் சாலையில் இறங்கி யானைகளை செல்போனில் படம் பிடித்தனர். அப்போது ஒரு யானை திடீரென அவர்களை துரத்தியது. காரில் வந்தவர்கள் காரை வேகமாக ஓட்ட முற்பட்டதால் சாலையில் நின்றவர்கள் பின்னால் ஓடினர். யானையும் அவரை சிறிது தூரம் துரத்தியதில் ஒருவர் சாலையில் விழுந்தார். திடீரென யானை அவரை மிதித்தது.
அப்போது எதிரே வந்த லாரி டிரைவர் ஹார்ன் அடிக்க, யானை அந்த நபரை விட்டுவிட்டு காட்டுக்குள் ஓடியது. யானை மிதித்த நபர் காலில் லேசான காயத்துடன் வனப்பகுதிக்குள் வலம் வந்து தப்பினார். இந்த வீடியோவை கேரள மாநிலம் வயநாடு மாவட்டம் மானந்தவாடி பகுதியை சேர்ந்த சபாது என்பவர் தனது காரில் இருந்து எடுத்துள்ளார்.
வெளிநாட்டில் பணிபுரியும் இவர், விடுமுறையில் வந்திருந்ததால், முத்தங்கா சரணாலயம் வழியாக குண்டல்பேட்டை, மைசூருவுக்கு மனைவி, குழந்தைகளுடன் காரில் சென்று, மசினகுடி, ஊட்டிக்கு செல்ல திட்டமிட்டிருந்தார். அப்போது காட்டு யானை இருவரையும் துரத்துவதை பார்த்து காரில் இருந்து வீடியோ எடுத்தார். சம்பவத்தை பார்த்து காரில் இருந்த அவரது மனைவி மற்றும் குழந்தைகள் கதறி அழுதனர். யானையிடம் சிக்கியவர்கள் ஆந்திர மாநிலத்தை சேர்ந்த சுற்றுலா பயணிகள் என கூறப்படுகிறது.
புலிகள் காப்பகம், சரணாலயம், பாதுகாக்கப்பட்ட வனப் பகுதிகளில் வாகனங்களில் இருந்து இறங்கி வனவிலங்குகளுக்கு இடையூறு ஏற்படுத்துவது குற்றமாகும், மேலும் இதுபோன்ற ஆபத்தான செயல்களில் ஈடுபடக்கூடாது என வனத்துறையினர் பல்வேறு வகையில் எச்சரித்து வருவதால் சுற்றுலா பயணிகள் ஆபத்தில் உள்ளனர்.
தை மாத ராசிபலன்கள்... யார் யாருக்கு ஏற்றம் தரும்... இந்த மாதத்தில் பரிகார வழிபாடு எது?
தை மாத சிறப்புக்கள், வழிபாடு, பலன்கள்....!
தை வெள்ளிக்கிழமை... மறந்தும் இதை மட்டும் செய்துடாதீங்க!
தை பொறந்தாச்சு... இந்த 6 ராசிக்காரங்களுக்கு அதிர்ஷ்டம் அலைமோதும்... மிஸ் பண்ணாதீங்க