தமிழக அரசின் டாஸ்மாக் நிறுவனத்துக்குச் சொந்தமான மதுக் கடைகள் தற்போது தினமும் மதியம் 12 மணி முதல் இரவு 10 மணி வரை செயல்பட்டு வருகின்றன. மாலை 6 மணிக்குப் பிறகு கடைகள் மூடப்படும் நேரம் வரை அதிகமான மக்கள் திரண்டு, கூட்ட நெரிசல் ஏற்படுவது வழக்கம்.

இதனிடையே, வடகிழக்கு பருவமழை தொடங்கியுள்ளதால் சென்னை உள்ளிட்ட பல மாவட்டங்களில் மழை பெய்து வருகிறது. மது அருந்திய நிலையில் சாலையில் வழுக்கி விழுதல், விபத்துகள் அதிகரிக்கும் அபாயம் இருப்பதாகவும், கடைகள் மூடும் நேரத்தில் ஊழியர்கள் மழையில் சிரமப்படுவதாகவும் கூறப்படுகிறது.

இந்நிலையில் டாஸ்மாக் கடைகளின் இரவு நேரத்தை மாற்றி அமைப்பது குறித்து அரசு ஆலோசனையில் ஈடுபட்டுள்ளது. கடைகள் தற்போது இரவு 10 மணிக்குப் பதிலாக 9 மணிக்கே மூடப்படுமா என்பது குறித்து பரிசீலனை நடைபெற்று வருகிறது.

மழை காரணமாக பிரச்சினைகள் அதிகம் ஏற்படும் மாவட்டங்களில் மட்டுமா, அல்லது மாநிலம் முழுவதுமா இந்த மாற்றம் அமல்படுத்தப்பட வேண்டும் என்ற கேள்வியிலும் ஆலோசனை நடைபெற்று வருகிறது.

இது குறித்து இறுதி முடிவு அடுத்த மாதம் 30ம் தேதிக்குள் எடுக்கப்படும் என அரசு வட்டாரங்கள் தெரிவிக்கின்றன. மழைக் காலத்தில் பாதுகாப்பு காரணங்களுக்காக மதுக் கடைகளின் நேரத்தை மாற்றும் யோசனை, தற்போது அதிகாரிகள் இடையே முக்கிய விவாதமாகியுள்ளது.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?