கரூர் கூட்ட நெரிசல் விபத்து... பாதிக்கப்பட்ட குடும்பங்களை சந்தித்து ஆறுதல் கூறிய விஜய்!

கரூரில் த.வெக. பிரச்சாரத்தின் போது ஏற்பட்ட கூட்ட நெரிசல் விபத்தில் 41 பேர் உயிரிழந்தது, தமிழகமெங்கும் பெரும் துயரத்தை ஏற்படுத்தியது. இந்தச் சம்பவம் கூட்ட நிர்வாகம் மற்றும் பாதுகாப்பு ஏற்பாடுகளில் ஏற்பட்ட குறைபாடுகளை வெளிப்படுத்தியது. பல குடும்பங்கள் தங்கள் அன்புக்குரியவர்களை இழந்து வலி அனுபவிக்கின்ற நிலையில், இந்த துயர நிகழ்வு அரசியல் மற்றும் சமூக வட்டாரங்களில் பரவலான விவாதத்தையும் விமர்சனத்தையும் தூண்டியது.

இந்தச் சம்பவத்திற்குப் பிறகு, தவெக தலைவர் விஜய் உடனடியாக பாதிக்கப்பட்ட குடும்பங்களைச் சந்திக்கவில்லை என்ற காரணத்தால் விமர்சனங்கள் எழுந்தன. எனினும், அவர் தனது அரசியல் மற்றும் சமூகப் பொறுப்பை உணர்ந்து, தாமதமாகியிருந்தாலும் குடும்பங்களுக்கு ஆறுதல் வழங்கும் முயற்சியை மேற்கொண்டார்.

இதனடிப்படையில், இன்று (அக்டோபர் 27, 2025) மாமல்லபுரத்தில் உள்ள ஒரு நட்சத்திர விடுதியில், விஜய் 37 குடும்பங்களைச் சேர்ந்த 235 பேரை தனிப்பட்ட முறையில் சந்தித்து ஆறுதல் கூறினார். இந்தச் சந்திப்பு பிற்பகல் 3 மணி வரை நீடித்தது. குடும்பங்களின் தேவைகளை கேட்டறிந்த அவர், மாதம் ரூ.5,000 உதவித்தொகை, சுயதொழில் மற்றும் வீட்டு வசதி உதவி, கல்வி மற்றும் திருமணச் செலவுகளுக்கான ஆதரவு வழங்குவதாக உறுதியளித்தார்.

உருக்கமான தருணத்தில், “சென்னைக்கு அழைத்ததற்கு மன்னித்து விடுங்கள். விரைவில் கரூரில் வந்து நேரில் சந்திப்பேன். வாழ்நாள் முழுவதும் உங்களுடன் ஒரு குடும்ப உறுப்பினராக இருப்பேன்,” என்று கண்ணீர் மல்க விஜய் தெரிவித்தார். அவரது இந்த செயல், பாதிக்கப்பட்ட குடும்பங்களுக்கு மன ஆறுதலையும் நம்பிக்கையையும் அளித்ததாக கூறப்படுகிறது

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!