இன்று அக்டோபர் 1ம் தேதி முதல் எல்பிஜி சிலிண்டர் விலையில் துவங்கி ரயில் டிக்கெட் முன்பதிவு, யுபிஐ அம்சங்கள், ஓய்வூதியத் திட்டங்கள், ஆன்லைன் கேமிங் விதிகள், சிறு சேமிப்பு வட்டி விகிதங்கள் மற்றும் அஞ்சல் சேவைக் கட்டணங்கள் என பொதுமக்களின் அன்றாட விஷயங்கள் பலவற்றிலும் மாற்றங்கள் அமலுக்கு வந்துள்ளது. 

இன்று அக்டோபர் 1ம் தேதி முதல் வர்த்தக பயன்பாட்டிற்கான எல்பிஜி சிலிண்டர் விலை ரூ.16 உயர்ந்துள்ளது. 6 மாதங்களுக்குப் பின் வர்த்தக பயன்பாட்டிற்கான சிலிண்டர் விலை பெரியளவில் உயர்ந்துள்ளது என்றாலும் பண்டிகை காலங்களில் இந்த விலையுயர்வு வியாபாரிகளை அதிர்ச்சியடைய செய்துள்ளது.

அதே போன்று இன்று முதல் ரயில்வே டிக்கெட் முன்பதிவு விதிகளில் சில மாற்றங்களைச் செய்துள்ளது. புதிய விதிகளின்படி, ஆதார் அட்டைகள் சரிபார்க்கப்பட்டவர்கள் மட்டுமே முன்பதிவு தொடங்கிய முதல் 15 நிமிடங்களுக்குள் ஆன்லைனில் டிக்கெட்டுகளை முன்பதிவு செய்ய முடியும். இதுவரை , இந்த விதி தட்கல் டிக்கெட் முன்பதிவுகளுக்குப் பொருந்தும், ஆனால் இப்போது பொது முன்பதிவுகளுக்கும் இது கட்டாயமாகும். இந்த விதி இன்று முதல் அமலுக்கு வந்துள்ளது. 

UPI- யின் "கலெக்ட் ரிக்வெஸ்ட்" அல்லது "புல் டிரான்ஸாக்ஷன்" அம்சம் இன்று முதல் நிறுத்தப்படும் என்று அறிவிக்கப்பட்டுள்ளது.  தவிர UPI மூலம் பரிவர்த்தனை செய்யும் வரம்புகள் உயர்ந்துள்ளது. UPI மூலமாக இப்போது ஒரே நேரத்தில் ரூ.5 லட்சம் வரை பரிவர்த்தனைகளை அனுமதிக்கிறது. முன்பு இந்த வரம்பு ரூ.1 லட்சமாக இருந்தது. 

சந்தாக்கள் மற்றும் பில்கள் போன்ற சேவைகளுக்கு இப்போது UPI தானியங்கு கட்டணம் கிடைக்கிறது. இன்று முதல் பயனர்கள் எந்த நேரத்திலும் ஆட்டோ டெபிட் அமைப்புகளை மாற்றலாம் அல்லது ரத்து செய்யலாம்.

அதே போன்று இன்று முதல் NPSக்கான குறைந்தபட்ச மாதாந்திர பங்களிப்பு ரூ.500-லிருந்து ரூ.1,000 ஆக உயர்த்தப்படும். இந்த மாற்றம் நீண்ட காலத்திற்கு ஓய்வூதிய நிதியை வலுப்படுத்தும். NPS இப்போது Tier-1 மற்றும் Tier-2 விருப்பங்களைக் கொண்டிருக்கும்.

இன்று முதல் NPS (தேசிய ஓய்வூதிய முறை), அடல் ஓய்வூதிய யோஜனா மற்றும் NPS லைட் தொடர்பான புதிய விதிகள் அமலுக்கு வருகின்றன. ஓய்வூதிய நிதி ஒழுங்குமுறை மற்றும் மேம்பாட்டு ஆணையம் (PFRDA) CRA (மத்திய பதிவு பராமரிப்பு நிறுவனம்) தொடர்பான கட்டணங்களை திருத்தியுள்ளது. புதிய PRAN (நிரந்தர ஓய்வூதிய கணக்கு எண்) திறக்கும்போது அரசு ஊழியர்கள் இப்போது e-PRAN கருவிக்கு ரூ.18 செலுத்த வேண்டும். NPS லைட் சந்தாதாரர்களுக்கான கட்டண அமைப்பும் எளிமைப்படுத்தப்பட்டுள்ளது.

இது வரை NPS பங்கு முதலீடுகளுக்கு ஒரு வரம்பு இருந்தது. இருப்பினும் இன்று முதல், அரசு சாரா சந்தாதாரர்கள் தங்கள் முழு நிதியையும் (100%) பங்குகளில் முதலீடு செய்ய முடியும். இது பயனர்களுக்கு அதிக வருமானத்தைப் பெறுவதற்கான வாய்ப்பை வழங்கக்கூடும். இருப்பினும், பங்குச் சந்தை மிகவும் நிலையற்றதாக இருப்பதால், இதில் ஆபத்தும் அடங்கும்.

அனைத்து ஆன்லைன் கேமிங் தளங்களும் இப்போது MeitY இலிருந்து செல்லுபடியாகும் உரிமத்தைப் பெற வேண்டும். இது கேமிங் துறையில் பாதுகாப்பு, வெளிப்படைத்தன்மை மற்றும் மோசடியைத் தடுக்க உதவும். ஆன்லைன் ரியல்-பண கேமிங்கில் பங்கேற்பதற்கான குறைந்தபட்ச வயது 18 ஆண்டுகள் ஆகும்.

இந்திய ரிசர்வ் வங்கி (RBI)  இன்று அக்டோபர் 1ம் தேதி அதன் பணவியல் கொள்கைக் குழுவிற்காகக் கூடும். இந்தக் கூட்டம் ரெப்போ விகிதம் மற்றும் பிற நிதி முடிவுகளை அறிவிக்கும். ரெப்போ விகிதத்தைக் குறைப்பது வீடு மற்றும் கார் கடன்களுக்கான வட்டி விகிதங்களைக் குறைக்க வழிவகுக்கும், இது உங்கள் மாதாந்திர EMI-யில் நேர்மறையான தாக்கத்தை ஏற்படுத்தும்.

சிறு சேமிப்புத் திட்டங்களுக்கான வட்டி விகிதங்கள் ஒவ்வொரு மூன்று மாதங்களுக்கும் திருத்தப்படும். மத்திய அரசு செப்டம்பர் 30 ஆம் தேதி வட்டி விகிதங்களை அறிவிக்கும். இந்த மாற்றங்கள்  இன்று முதல் அமலுக்கு வரும். இதன் விளைவாக, PPF , SCSS மற்றும் SSY உள்ளிட்ட அனைத்து தபால் அலுவலக சிறு சேமிப்புத் திட்டங்களுக்கான வட்டி விகிதங்களும் மாறக்கூடும்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?