செங்கல்பட்டு மாவட்டத்தில் பருவமழை காரணமாக பாலாற்றில் ஏற்பட்ட நீரோட்டம் அதிகரித்து வாயலூர் மற்றும் வள்ளிபுரம் தடுப்பணைகளில் நீர்மட்டம் கணிசமாக உயர்ந்துள்ளது. கல்பாக்கத்தை அடுத்த வாயலூர்–வேப்பஞ்சேரி இடையே கடல் முகத்துவாரத்திற்கு அருகில் 5 அடி உயரத்தில் அமைந்துள்ள தடுப்பணை முழுமையாக நிரம்பியுள்ளதால், விநாடிக்கு 13.12 ஆயிரம் கனஅடியில் உபரி நீர் வெளியேறி வருகிறது.

பாலாற்றுப் படுகையில் மேலதிக தடுப்பணைகள் அமைக்கப்பட்டால், கடலில் கலக்கும் நீரை சேமித்து பாசனச் சாத்தியங்கள் அதிகரிக்கலாம் என விவசாயிகள் வலியுறுத்துகின்றனர். இதன் மூலம் 60-க்கும் மேற்பட்ட கரையோரக் கிராமங்கள் பயனடையும் நிலையில், நல்லாத்தூர் பாலாற்றில் புதிய தடுப்பணை அமைக்க நீர்வளத் துறை மற்றும் மாவட்ட நிர்வாகம் நடவடிக்கை எடுக்க வேண்டும் என்ற கோரிக்கை வலுத்துள்ளது.

இதனால் பல பகுதங்களில் நீர்நிலை உயர்வு பதிவாகியுள்ளது. அச்சிறுப்பாக்கம் ஒன்றியத்திலுள்ள வெள்ளப்புத்தூர் மற்றும் சுற்றுவட்டார கிராமங்களில் பெய்த கனமழையால் கால்வாய்களில் வெள்ளப்பெருக்கு ஏற்பட்டதால், தரைப்பாலங்கள் நீரில் மூழ்கி வாகனப் போக்குவரத்து தடைசெய்யப்பட்டுள்ளது.

3,231 மில்லியன் கனஅடி கொள்ளளவு கொண்ட பூண்டி ஏரியில், தற்போது 2,389 மில்லியன் கனஅடி நீர் இருப்பு பதிவாகியுள்ளது; நீர்மட்டம் 32.54 அடியாக உள்ளது. விநாடிக்கு 3,980 கனஅடியில் நீர்வரத்து தொடர்கிறது.

3,300 மில்லியன் கனஅடி கொள்ளளவு கொண்ட புழலில், 2,753 மில்லியன் கனஅடி நீர் சேமிக்கப்பட்டுள்ளது; நீர்மட்டம் 18.71 அடியாக உள்ளது.

சோழவரம் ஏரியில் 545 மில்லியன் கனஅடி நீர் இருப்பு (நீர்மட்டம் 12.81 அடி), கண்ணன்கோட்டை–தேர்வாய் கண்டிகை ஏரியில் 437 மில்லியன் கனஅடி நீர் உள்ளது.

அதே சமயம் செம்பரம்பாக்கம் ஏரியின் மொத்த கொள்ளளவு 2,926 மில்லியன் கனஅடி. இந்நிலையில் தற்போது நீர்மட்டம் 21.27 அடியாக உள்ளது. விநாடிக்கு 1,980 கனஅடி நீர்வரத்து பதிவாக, திறக்கப்பட்ட உபரிநீர் வெளியேற்றம் 500 கனஅடியில் இருந்து 750 கனஅடியாக உயர்த்தப்பட்டுள்ளது.

இதற்கிடையில், ஆரணி ஆற்றில் விநாடிக்கு 1,803 கனஅடியில் பெருக்கெடுத்தோடும் வெள்ள நீர் பெரியபாளையம் அருகே தரைப்பாலத்தை அடித்துச் சென்றதால், அப்பகுதி மக்கள் பெரும் சிரமத்தை எதிர்கொண்டு வருகின்றனர்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?