இலங்கையில் தமிழக மீனவர்கள் கைது ... தவெக தலைவர்  விஜய் கண்டனம்!  

தமிழகம் மற்றும் புதுச்சேரியைச் சேர்ந்த 35 மீனவர்கள் இலங்கைக் கடற்படையால் கைது செய்யப்பட்ட சம்பவம் கடல் கரையில் பெரும் அதிர்ச்சியை ஏற்படுத்தியுள்ளது. கைது செய்யப்பட்டவர்களுக்குச் சொந்தமான மூன்று விசைப்படகுகள் மற்றும் ஒரு நாட்டுப்படகு பறிமுதல் செய்யப்பட்டதாக தகவல்கள் தெரிவிக்கின்றன. மீனவர்கள் தங்கள் பாரம்பரிய மீன்பிடி பகுதியில் வலை வீசியபோது இச்சம்பவம் நடந்ததாக கூறப்படுகிறது. இத்தகைய கைது நடவடிக்கைகள் அடிக்கடி நடைபெறுவதால், மீனவர்களின் வாழ்வாதாரம் கடுமையாக பாதிக்கப்பட்டுள்ளது.

இந்தச் சம்பவத்தை தமிழக வெற்றிக் கழகத் தலைவர் விஜய் கடுமையாக கண்டித்துள்ளார். கைது செய்யப்பட்ட 35 மீனவர்களையும் உடனடியாக விடுவிக்க வேண்டும் என்றும், அவர்களது படகுகளும் மீட்டுத் தரப்பட வேண்டும் என்றும் அவர் வலியுறுத்தினார். ஒன்றிய அரசு, மற்ற மாநில மீனவர்கள் மீது காட்டும் அக்கறையைப் போலவே தமிழக மீனவர்களையும் கவனத்தில் கொள்ள வேண்டும் எனவும், தாமதமின்றி நடவடிக்கை எடுக்க வேண்டும் எனவும் விஜய் கேட்டுக்கொண்டார்.

மேலும், தமிழக அரசு ஒன்றிய அரசுக்கு உரிய அழுத்தம் வழங்கி, இத்தகைய சம்பவங்கள் இனி நடக்காதவாறு நடவடிக்கை எடுக்க வேண்டும் என்று அவர் தெரிவித்துள்ளார். இலங்கைக் கடற்படையின் இந்த நடவடிக்கை, மீனவர்களின் உரிமைகளை மீறுவதாகவும் விஜய் கூறினார். இந்தக் கைது சம்பவம், மீனவர்களின் பிரச்சினையை மீண்டும் வெளிச்சத்திற்கு கொண்டு வந்துள்ளது. அவரின் அறிக்கை, மீனவர்களின் பாதுகாப்பு மற்றும் உரிமைக்காக அரசுகள் உடனடி மற்றும் நிரந்தரத் தீர்வை காண வேண்டிய அவசியத்தை வலியுறுத்துகிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!