ITI, B.E., முடித்தவர்களுக்கு 1,213 காலி பணியிடங்கள்.. மாதம் ரூ.1,29,000 வரை சம்பளம்... மத்திய பாதுகாப்பு அமைச்சகத்தில் வேலைவாய்ப்பு!

 By Seetha Jul 18, 2026, 07:40 IST
பெண்கள் வேலைவாய்ப்பு ஊதியம் வளர்ச்சி

மத்திய அரசின் பாதுகாப்பு அமைச்சகத்தின் கீழ் இயங்கி வரும் பொதுத்துறை நிறுவனமான 'ஆர்மர்டு வெஹிக்கிள்ஸ் நிகாம் லிமிடெட்' நிறுவனத்தில் காலியாக உள்ள பல்வேறு பணியிடங்களை நிரப்புவதற்கான புதிய வேலைவாய்ப்பு அறிவிப்பு வெளியிடப்பட்டுள்ளது. தகுதியும் ஆர்வமும் உள்ள இந்தியக் குடிமக்களிடமிருந்து ஆன்லைன் மூலமாக விண்ணப்பங்கள் வரவேற்கப்படுகின்றன.

ஆர்மர்டு வெஹிக்கிள்ஸ் நிகாம் லிமிடெட் நிறுவனத்தில் மொத்த காலிப்பணியிடங்கள்: 1,213 மத்திய அரசுப் பணி (பாதுகாப்புத் துறை சார்ந்த பொதுத்துறை நிறுவனம்)

கல்வித் தகுதி: விண்ணப்பதாரர்கள் பதவிகளுக்கு ஏற்ப ITI, B.E / B.Tech, B.Com, MBA, MCA, MSW, CA ஆகியவற்றில் ஏதேனும் ஒரு தகுதியைப் பெற்றிருக்க வேண்டும்.

வயது வரம்பு: அதிகபட்சமாக 30 வயது வரை உள்ளவர்கள் விண்ணப்பிக்கலாம். மத்திய அரசு விதிகளின்படி எஸ்சி, எஸ்டி, ஓபிசி மற்றும் மாற்றுத்திறனாளிகளுக்கு வழக்கமான வயது வரம்புத் தளர்வுகள் உண்டு.

ஊதிய விவரம் மற்றும் தேர்வு முறை
மாதாந்திர ஊதியம்: தேர்வு செய்யப்படும் விண்ணப்பதாரர்களுக்குப் பதவிகளின் நிலையைப் பொறுத்து மாதம் ரூ.25,050 முதல் ரூ.1,29,000 வரை ஊதியம் வழங்கப்படும்.

தேர்வு செய்யப்படும் முறை: கணினி வழித் தேர்வு மற்றும் தொழில் திறன் தேர்வு ஆகியவற்றின் அடிப்படையில் தகுதியானவர்கள் தேர்வு செய்யப்படுவர். தகுதியுடைய விண்ணப்பதாரர்கள் ஆன்லைன் வாயிலாக மட்டுமே விண்ணப்பிக்க முடியும். இதற்கான ஆன்லைன் விண்ணப்பச் சமர்ப்பிப்பு தற்போது விறுவிறுப்பாக நடைபெற்று வருகிறது. விண்ணப்பிக்கக் கடைசி நாள்: 25.07.2026

இந்த வேலைவாய்ப்புத் தொடர்பான கூடுதல் விவரங்கள், கல்வித் தகுதி வாரியான காலிப்பணியிடங்கள் மற்றும் ஆன்லைனில் விண்ணப்பிக்கும் லிங்க் போன்ற முழுமையான விவரங்களை அறிந்து கொள்ள இங்கே கிளிக் செய்து அதிகாரப்பூர்வ அறிவிப்புப் பக்கத்தைப் பார்வையிடலாம்.

பாதுகாப்புத் துறையில் நல்ல ஊதியத்துடன் மத்திய அரசுப் பணியில் சேர விரும்பும் தகுதியான நபர்கள், கடைசி நாள் வரை காத்திருக்காமல் உடனடியாக விண்ணப்பித்துப் பயன் பெறலாம்.