ஹார்மாஸ் நீரிணையில் கப்பல் மீது தாக்குதல் - 17 இந்தியர்கள் உட்பட 19 பேர் காயம் - மத்திய வெளியுறவு அமைச்சகம் கண்டனம்!

ஓமன் கடற்கரை அருகே ஹார்முஸ் நீரிணை வழியாகச் சென்று கொண்டிருந்த வணிகக் கப்பல் மீது நடத்தப்பட்ட திடீர் தாக்குதலில் 17 இந்தியர்கள் உள்பட 19 பேர் காயமடைந்துள்ள விவகாரத்தில் இந்தியா தனது கவலையையும் கண்டனத்தையும் தெரிவித்துள்ளது.

ஓமன் கடற்கரைக்கு அருகில் ஹார்முஸ் நீரிணை வழியாகச் சென்றுகொண்டிருந்த வணிகக் கப்பல் மீது இந்தத் தாக்குதல் நடத்தப்பட்டுள்ளது. இக்கப்பலில் பணியாளர்களாகப் பயணம் செய்த 19 பேரில் 17 பேர் இந்தியர்கள். இவர்களில் 11 இந்தியர்கள் உட்பட மொத்தம் 12 பணியாளர்கள் காயமடைந்துள்ளனர். கப்பலில் பணியாளர்களாக இருந்த மற்ற 3 இந்தியர்களும் எந்தவித காயமுமின்றிப் பாதுகாப்பாக மீட்கப்பட்டுள்ளனர்.

காயமடைந்தவர்கள் உடனடியாக ருமேனிய அதிகாரிகளால் மீட்கப்பட்டு, தற்போது மருத்துவச் சிகிச்சை பெற்று வருகின்றனர். அவர்களுக்கு விரைந்து உதவிய ருமேனிய அதிகாரிகளுக்கு இந்திய அரசு நன்றியைத் தெரிவித்துள்ளது.

சர்வதேச நீர்வழிகளில் போக்குவரத்து மற்றும் மாலுமிகள் குறிவைக்கப்படுவதை இந்தியா மிகுந்த கவலையுடன் பார்க்கிறது. இந்தத் தாக்குதல்கள் உலகளாவிய வர்த்தகத்தைப் பாதிப்பதாகக் குறிப்பிட்டுள்ள வெளியுறவு அமைச்சகம், தொடரும் மோதல்களுக்கு விரைவில் பேச்சுவார்த்தை மற்றும் ராஜதந்திர வழியில் முற்றுப்புள்ளி வைக்க வேண்டும் என வலியுறுத்தியுள்ளது.

கடந்த செப்டம்பர் 2026-ல், வணிகக் கப்பல் பணியாளர்கள் மற்றும் கப்பல்களின் பாதுகாப்பை உறுதி செய்வதற்காக இந்தியாவும் லைபீரியாவும் இணைந்து ஐ.நா. பொதுச் சபையின் போது "கப்பல் மற்றும் மாலுமிகளின் பாதுகாப்பு மற்றும் நலனுக்கான நண்பர்கள் குழு" என்ற புதிய 25-நாடுகள் அமைப்பைத் தொடங்கியுள்ளன என்பது குறிப்பிடத்தக்கது.