+2 பொதுத்தேர்வு நிறைவு; விடைத்தாள் திருத்தும் பணி ஏப்.8ம் தேதி தொடக்கம்!

தமிழகத்தில் பிளஸ்-2 பொதுத்தேர்வுகள் நேற்றுடன் நிறைவடைந்ததைத் தொடர்ந்து, விடைத்தாள் திருத்தும் பணி மற்றும் தேர்வு முடிவுகள் வெளியாகும் தேதிகள் குறித்த அதிகாரப்பூர்வ அறிவிப்புகள் வெளியாகியுள்ளன.

தேர்வுத்துறை வெளியிட்டுள்ள அறிவிப்பின்படி, ஏப்ரல் 8ம் தேதி விடைத்தாள் திருத்தும் பணி தொடங்கி ஏப்ரல் 20-ஆம் தேதி வரை நடைபெறும். இதற்காக மாநிலம் முழுவதும் சிறப்பு விடைத்தாள் திருத்தும் மையங்கள் அமைக்கப்பட்டுள்ளன. விடைத்தாள் திருத்தும் பணிகள் முடிந்தவுடன், மதிப்பெண்கள் கணினியில் பதிவேற்றப்பட்டுச் சரிபார்க்கப்படும். மே 8, 2026 அன்று பிளஸ்-2 பொதுத்தேர்வு முடிவுகள் இணையதளத்தில் வெளியிடப்படும்.

கடைசித் தேர்வு முடிந்து மையங்களில் இருந்து வெளியே வந்த மாணவர்கள், ஒருவருக்கொருவர் வண்ணப் பொடிகளைத் தூவியும், வினாத்தாள்களை வானில் வீசியும் தங்களது மகிழ்ச்சியை வெளிப்படுத்தினர்.