3 மாணவர்கள் பலி... மினி கூப்பர் விபத்து வழக்கில் சுஹைல் சஜீவ் மீது வழக்குப்பதிவு!

கேரள மாநிலம் நெடும்பாசேரி பகுதியில் நிகழ்ந்த அதிவேக மினி கூப்பர் கார் விபத்தில் மூன்று இளைஞர்கள் பரிதாபமாக உயிரிழந்த வழக்கில், இச்சம்பவத்தின் முக்கியக் குற்றவாளியான சுஹைல் சஜீவ் மீது கலால் துறை தற்போது வழக்குப் பதிவு செய்துள்ளது. 23 வயது நிறைவடைவதற்கு முன்பே மது அருந்திய சட்டவிரோதச் செயலுக்காக ஆலுவா கலால் சரகக் காவல்துறையினர் இந்த நடவடிக்கையை மேற்கொண்டுள்ளனர்.

இந்த விபத்து வழக்குத் தொடர்பாக கலால் துறை அதிகாரிகள் சுஹைல் சஜீக்கிடம் தீவிர விசாரணையை முன்னெடுத்து வருகின்றனர். விசாரணையின் தொடர்ச்சியாக, 23 வயதுக்குட்பட்ட ஒருவருக்கு மதுபானம் விநியோகித்த குற்றத்திற்காக வைட்டிலா, பாலாரிவட்டம் மற்றும் நெடும்பாசேரி ஆகிய பகுதிகளில் உள்ள பார் ஹோட்டல்கள் மீது கலால் துறை ஏற்கனவே வழக்குப்பதிவு செய்துள்ளது.

குறிப்பாக, வழக்குப் பதிவு செய்யப்பட்டுள்ள இந்த மூன்று இடங்களில் இரண்டு ஹோட்டல்கள் அதிநவீன ஐந்து நட்சத்திர அந்தஸ்து கொண்டவை என்பது குறிப்பிடத்தக்கது. விதிமீறலில் ஈடுபட்டுச் சிறுவர்களுக்கு மதுபானம் வழங்கிய இந்த விவகாரத்தில், சம்பந்தப்பட்ட பார் ஹோட்டல்களின் உரிமத்தை உடனடியாக ரத்து செய்யக் கோரி எர்ணாகுளம் துணை ஆணையர் கலால் ஆணையருக்கு விரிவான அறிக்கையைச் சமர்ப்பித்துள்ளார்.

காவல்துறையினர் மற்றும் கலால் துறை நடத்திய முதற்கட்ட விசாரணையில், விபத்து நடந்த அன்றைய தினம் குற்றம் சாட்டப்பட்ட சுஹைல் சஜீவ் மொத்தம் மூன்று வெவ்வேறு பார்களில் மது அருந்திவிட்டு வாகனம் ஓட்டியது கண்டுபிடிக்கப்பட்டுள்ளது. அவர் கடைசியாக நெடும்பாசேரியில் உள்ள பிரபல மேரியட் ஹோட்டலுக்குச் சென்றுள்ளார். அங்கு நான்கு பேர் கொண்ட குழுவினர் இரவு 11.30 மணியிலிருந்து மது அருந்தத் தொடங்கியுள்ளனர். பின்னர் நள்ளிரவைத் தாண்டி அதிகாலை 1.30 மணிக்கு அங்கிருந்து மினி கூப்பர் காரில் புறப்பட்டபோதுதான், சிறிது நேரத்தில் இந்த கோர விபத்து அரங்கேறியுள்ளது.

கடந்த ஞாயிற்றுக்கிழமை அதிகாலை 1.40 மணியளவில் நெடும்பாசேரியில் அமைந்துள்ள சுவர்ணோத்யானம் உயிரியல் பூங்கா அருகே இந்த அதிவேக விபத்து நிகழ்ந்தது. இக்கோர விபத்துச் சம்பவத்தில் சம்பவ இடத்திலேயே பரிதாபமாக  பாலக்காடு மாவட்டம் மன்னார்காட்டைச் சேர்ந்த கோபிகா, கர்நாடகா மாவட்டம் கூர்க் பகுதியைச் சேர்ந்த இய்யாஸ் (21) ஆகிய 3 பேரும் உயிரிழந்தனர்.சட்டவிரோதமாக மது அருந்திக் வாகனம் இயக்கியது மற்றும் மைனர் விதிகளுக்கு முரணாக மது வழங்கியது உள்ளிட்ட பல்வேறு கோணங்களில் கலால் துறை மற்றும் காவல்துறையினர் இணைந்து மேற்கொண்டு வரும் இந்தத் தீவிர நடவடிக்கைகள் அப்பகுதியில் பெரும் பரபரப்பை ஏற்படுத்தியுள்ளன.