டாஸ்மாக் கடைகளில் தீபாவளிக்கு இளைஞர்களைக் கவர 4 புதிய வெளிமாநில பீர் ரகங்கள் அறிமுகம் - குஷியில் மது பிரியர்கள்!

வரவிருக்கும் தீபாவளிப் பண்டிகையை முன்னிட்டுத் தமிழகத்தில் உள்ள டாஸ்மாக் கடைகளில் சுமார் 20 புதிய மதுபான வகைகளை அறிமுகம் செய்யத் திட்டமிடப்பட்டுள்ள நிலையில், முதற்கட்டமாக 4 புதிய வெளிமாநில பீர் ரகங்கள் விற்பனைக்கு வரவுள்ளன.

மதுப்பிரியர்கள் மற்றும் இளைஞர்களின் எதிர்பார்ப்பைப் பூர்த்தி செய்யும் வகையில், பிர்ரா, ஹெய்னகென் சில்வர், சிம்பா ரோர் மற்றும் லோன் உல்ஃப் ஆகிய 4 பிரபல வெளிமாநில பீர் ரகங்கள் முதற்கட்டமாக அறிமுகப்படுத்தப்படுகின்றன. இந்தப் புதிய பீர் ரகங்கள் முதற்கட்டமாகத் தமிழகம் முழுவதிலும் உள்ள டாஸ்மாக் 'எலைட்' கடைகளில் விற்பனைக்குக் கிடைக்கவுள்ளன.

புதிய பீர் ரகங்களின் ஆரம்ப விலை குறைந்தபட்சம் ரூ.250 என நிர்ணயிக்கப்பட்டுள்ளது. இந்தப் புதிய 4 ரகங்களின் வருகையைத் தொடர்ந்து, டாஸ்மாக் கடைகளில் தற்போது புழக்கத்தில் உள்ள மொத்த பீர் ரகங்களின் எண்ணிக்கை 25-ஆக உயரவுள்ளது குறிப்பிடத்தக்கது.

தீபாவளிப் பண்டிகைக் காலத்தில் டாஸ்மாக் விற்பனையை அதிகரிக்கவும், நுகர்வோருக்கு கூடுதல் ரகங்களை வழங்கவும் இம்முடிவு எடுக்கப்பட்டுள்ளது.