திருப்பதியில் பிரதமர் மோடிக்கு 75 அடி உயர கட்-அவுட்... கின்னஸ் சாதனைக்காக மணிநேர தொடர் நிகழ்ச்சி!

கின்னஸ் சாதனை புத்தகத்தில் இடம் பெறுவதற்காகத் திருப்பதி தாரகராமா விளையாட்டு மைதானத்தில் 75 மணிநேர பிரமாண்ட தொடர் நிகழ்ச்சி தொடங்கப்பட்டு நடைபெற்று வருகிறது. இதையொட்டிப் பிரதமர் நரேந்திர மோடிக்கு 75 அடி உயரத்தில் பிரமாண்ட கட்-அவுட் அமைக்கப்பட்டுள்ளது.

திருப்பதி தாரகராமா விளையாட்டு மைதானத்தில் கின்னஸ் சாதனைப் புத்தகத்தில் இடம்பிடிப்பதற்காக 75 மணிநேரத் தொடர் நிகழ்ச்சிக்கு ஏற்பாடு செய்யப்பட்டுள்ளது. இந்நிகழ்ச்சி நேற்று மாலை 4 மணிக்குத் தொடங்கி வெற்றிகரமாக நடந்து வருகிறது.

இச்சாதனை நிகழ்வைச் சிறப்பிக்கும் வகையில், பிரதமர் நரேந்திர மோடிக்குச் சிறப்பான முறையில் 75 அடி உயரத்தில் பிரமாண்ட கட்-அவுட் அமைக்கப்பட்டுள்ளது. நிகழ்ச்சியின் தொடக்கமாக 130 வேதப் பண்டிதர்கள் வேத மந்திரங்களைப் பாராயணம் செய்தனர்.

தொடர்ந்து, 2 ஆயிரத்திற்கும் மேற்பட்டோர் கலந்துகொண்டு பிரதமர் நரேந்திர மோடியின் அரசியல் வாழ்க்கை, மக்கள் சேவை மற்றும் பல்வேறு சாதனைகள் குறித்து விரிவாகப் பேசி வருகின்றனர்.