ட்விட்டர் ப்ளூடிக் சேவைக்கு ரூ719 கட்டணம் நிர்ணயம்!! பயனர்கள் அதிர்ச்சி!!

சமூக வலைதளங்களில் கோடிக்கணக்கான பயனர்களை கொண்டிருப்பது ட்விட்டர் நிறுவனம். இந்நிறுவனத்தை சமீபத்தில்  டெஸ்லா மற்றும் ஸ்பேஸ் எக்ஸ் நிறுவனத்தின் தலைமை செயல் அதிகாரியான எலான் மஸ்க் தன்வசப்படுத்தியுள்ளார். இவர் உலகப் பணக்காரர்கள் பட்டியலில் முன்னிலை வகிப்பவராக இருந்து வருகிறார். எலான் மஸ்க் ட்விட்டர் உரிமையாளரானதை தொடர்ந்து அவர் பல்வேறு அதிரடி நடவடிக்கைகளை எடுத்து வருகிறார். தற்போது ட்விட்டர் இயக்குநர் குழுவை அதன் உரிமையாளரான எலான் மஸ்க் அதிரடியாக நீக்கியுள்ளார்.

ட்விட்டரில்  அரசியல் தலைவர்கள் மற்றும் பிரபலங்கள் தங்களின் அதிகாரப்பூர்வ ட்விட்டர் கணக்குகளில் 'புளூ டிக்'  வசதியை பயன்படுத்தி வருகின்றனர். இந்த ட்விட்டர் கணக்கு அவர்களுடைய அதிகாரப்பூர்வ ட்விட்டர் கணக்கு தான் என்பதை உறுதி படுத்திக்கொள்ள உதவுகிறது.  ட்விட்டரில் அவர்களுடைய பெயருக்கு அருகில் நீலநிற புளூ டிக் குறியீடு இடப்பட்டிருக்கும். இந்த வசதியை பெற்ற பயனர்கள் ட்விட்டரில் பல்வேறு அம்சங்களை பயன்படுத்திக் கொள்ள முடியும். இந்நிலையில், அதிகாரப்பூர்வ கணக்கு என்பதை உறுதிபடுத்தும் புளூ டிக்கிற்காக பயனர்களிடம் ஒவ்வொரு மாதமும்  ரூ.1,600 வரை  கட்டணம் வசூலிக்க ட்விட்டர் நிர்வாகம் முடிவு செய்துள்ளதாக தகவல் வெளியாகியது. இந்த அறிவிப்பிற்கு பல்வேறு தரப்பிலிருந்தும் எதிர்ப்புக்கள் கிளம்பின.

இதனை தொடர்ந்து ட்விட்டர் 'புளூ டிக்கிற்கு' இனி மாதம் 7.99 டாலர் கட்டணம் வசூல் செய்யப்பட உள்ளதாக எலான் மஸ்க் அறிவித்துள்ளார். அத்துடன் கட்டணம் செலுத்துவோர், வீடியோ, ஆடியோ போன்றவற்றை கூடுதல் நேரத்திற்கு பதிவு செய்து கொள்ள முடியும் எனவும் அறிவிக்கப்பட்டுள்ளது. இந்த சேவை நேற்று முன்தினம் முதல் அமெரிக்கா மற்றும் சில நாடுகளில் உள்ள பயனர்களுக்கு அறிமுகப்படுத்தப்பட்டது. இந்தியாவை பொறுத்தவரை இந்தச் சேவையை பெற மாதம் ரூ. 719 செலவாகும். ட்விட்டர் புளூ டிக் சேவையை தற்போது பணம் கொடுத்து பெறும் வசதி உள்ளதால், இதனை சிலர் தவறாக பயன்படுத்தக்கூடும் எனவும் எச்சரிக்கை விடுத்துள்ளனர். இது குறித்து எலான் மஸ்க்  யாராவது ட்விட்டர் தளத்தை தவறாகப் பயன்படுத்துவது உறுதி செய்யப்பட்டால் அவர்கள் தங்களின் பணத்தை இழக்க நேரிடுவதுடன் அவர்களின் கணக்குகள் நிரந்தரமாக முடக்கப்படும் எனவும் எச்சரிக்கை விடுத்துள்ளார். 

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

செல்வம் செழிக்க ஐப்பசியில் இந்த பிரார்த்தனையை மிஸ் பண்ணாதீங்க!