பணத் தேவைக்காக பக்கத்து வீட்டுக்காரர் போட்ட பிளான்.. இடையில் சிக்கி பலியான சிறுவன்!
மும்பையை அடுத்த தானேயில் உள்ள பத்லாபூரில் உள்ள கோரேகான் என்ற கிராமத்தைச் சேர்ந்தவர் முதாசிர் புபெரேவ். இவர் அப்பகுதியில் தையல் கடை நடத்தி வந்தார். இவரது மகன் இபாதத் புபெரே (வயது 9). கடந்த ஞாயிற்றுக்கிழமை இரவு 9 மணியளவில் முதாசிர் அருகில் உள்ள மசூதிக்கு தொழுகைக்காக சென்றார். அப்போது வீட்டில் இருந்த சிறுவன் இபாதத் ஐஸ்கிரீம் வாங்க கடைக்கு சென்றான்.
நீண்ட நேரம் கழித்து ஐஸ்கிரீம் வாங்கச் சென்ற இபாதா வீடு திரும்பவில்லை. முதாசிர் தொழுகைக்குப் பிறகு வீடு திரும்பினார், தனது மகனை காணவில்லை என்பதை உணர்ந்து தேடியுள்ளார். ஆனால் இபாதத் இருக்கும் இடம் தெரியவில்லை. இந்நிலையில், இரவு 9.40 மணியளவில் முதாசிருக்கு போனில் மர்ம அழைப்பு வந்தது, அதில், "உங்கள் மகன் உயிருடன் இருந்தால் 20 லட்சம் கொடுங்கள்" என மர்ம நபர் மிரட்டியுள்ளார். இதனால் அதிர்ச்சியடைந்த முதாசிர் உடனடியாக குல்கான் காவல் நிலையத்தை தொடர்பு கொண்டு நிலைமையை விளக்கினார்.
விசாரணையில் தந்தை முதாசிரின் போனுக்கு வந்த மர்ம அழைப்பு கண்டுபிடிக்கப்பட்டுள்ளது. கிராமத்தில் இருந்து சிறிது தொலைவில் தொலைபேசி அழைப்பு வந்தது தெரியவந்தது. இதையடுத்து போலீசார் அப்பகுதியில் சோதனை நடத்தினர். சஃப்வான் மௌலவி என்ற நபர் ஒரு ரீசார்ஜ் கடையில் ஒரு எண்ணை ரீசார்ஜ் செய்து அதில் இருந்து பேசியதாக தெரிய வருகிறது.
இந்த ஸஃப்வான் மௌலவி வேறு யாருமல்ல முதாஸிரின் வீட்டிற்கு அருகில் இருப்பவர்தான். இதையறிந்த போலீசார் சஃப்வான் மௌலவியை விசாரணைக்கு அழைத்துச் சென்றனர். விசாரணையில் சஃப்வான் மௌலவி உண்மையை ஒப்புக்கொண்டார். இதுகுறித்து அவர் கொடுத்துள்ள வாக்குமூலத்தில், “எனது நிலத்தில் வீடு கட்டினேன். அதற்கு மேலும் 20 லட்சம் தேவைப்பட்டது, அதனால் பணத்திற்காக நான் துடித்தேன். அப்போது எனது பக்கத்து வீட்டு முதாசிர் நடத்தி வரும் தையல் கடையில் நல்ல வருமானம் இருப்பது தெரிய வந்தது.
முதாசிர் நல்ல வசதி படைத்தவர் என்பதை அவருடைய தையல் கடையில் வேலை செய்த என் மருமகன் மூலம் தெரிந்து கொண்டேன். எனவே இபாதாவை அபகரித்து முடாஸிடம் இருந்து 20 லட்சம் ரூபாயை வாங்க திட்டமிட்டேன். ஆனால் முதாசிர் காவல்துறையிடம் சென்றபோது, பயத்தில் இபாதாமைக் கொன்று நான் கட்டிய கட்டிடத்தின் பின்னால் புதைத்துவிட்டே என தெரிவித்துள்ளார்.
இதன்படி போலிஸார் மௌலவி குறிப்பிட்ட இடத்தை தோண்டி இபாதாமின் சடலத்தை மீட்டு பிரேத பரிசோதனைக்காக அங்குள்ள ஜேஜே வைத்தியசாலைக்கு அனுப்பி வைத்தனர். சிறுவன் கொலையால் அப்பகுதியில் போராட்டம் நடைபெற வாய்ப்புள்ளதால், கிராமத்தில் போலீஸ் பாதுகாப்பு பலப்படுத்தப்பட்டுள்ளது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!