புதிய சரித்திரம் படைத்த சாதனை நாயகன்... முதல் தேர்தலிலேயே 30% வாக்குகள் பெற்று அமோக வெற்றி!

தமிழக சட்டமன்றத் தேர்தல் வாக்கு எண்ணிக்கையில் தமிழக வெற்றிக் கழகம் (தவெக) இதுவரை எந்தவொரு புதிய கட்சியும் செய்யாத மாபெரும் அரசியல் சாதனையைப் படைத்துள்ளது. தேர்தல் ஆணையத்தின் தற்போதைய புள்ளிவிவரங்களின்படி, தவெக மாநிலம் முழுவதும் 1 கோடியே 40 லட்சத்திற்கும் அதிகமான வாக்குகளைக் குவித்து அனைவரையும் வியப்பில் ஆழ்த்தியுள்ளது. பதிவான மொத்த வாக்குகளில் 30 சதவீதத்திற்கும் அதிகமான வாக்கு சதவீதத்தைப் பெற்றுள்ள தவெக, தமிழகத்தின் பிரதான அரசியல் சக்தியாக உருவெடுத்துள்ளது.

வாக்கு எண்ணிக்கை தொடர்ந்து நடைபெற்று வரும் சூழலில், தவெக வேட்பாளர்கள் 109 தொகுதிகளில் முன்னிலை பெற்று வெற்றியை நோக்கி முன்னேறி வருகின்றனர். ஒரு புதிய கட்சி தனது முதல் தேர்தலிலேயே இவ்வளவு பெரிய அளவிலான மக்கள் ஆதரவைப் பெறுவது தமிழகத் தேர்தல் வரலாற்றில் இதுவே முதல்முறையாகும். திராவிடக் கட்சிகளின் பலமான வாக்கு வங்கிகளைத் தகர்த்து, விஜய் தலைமையிலான தவெக இந்த இமாலய வெற்றியைப் பதிவு செய்துள்ளது அரசியல் நோக்கர்களிடையே பெரும் விவாதத்தை ஏற்படுத்தியுள்ளது.

தவெக தலைவர் விஜய், தனது முதல் அரசியல் பிரவேசத்திலேயே இத்தகைய பிரம்மாண்டமான வாக்குகளைப் பெற்றுப் புதிய அரசியல் சரித்திரத்தைப் படைத்துள்ளார். மக்கள் மாற்றத்தை விரும்பி தவெக-விற்கு அளித்த இந்த மாபெரும் அங்கீகாரம், தேர்தல் முடிவுகளில் மிகத் தெளிவாகப் பிரதிபலிக்கிறது. தமிழகம் முழுவதும் தவெக தொண்டர்கள் விசில்களை ஊதியும், இனிப்புகள் வழங்கியும் இந்த வரலாற்றுச் சிறப்புமிக்க வெற்றியை மிக உற்சாகமாகக் கொண்டாடி வருகின்றனர். இன்னும் சில மணி நேரங்களில் முழுமையான முடிவுகள் வெளியாகும் போது தவெக-வின் பலம் மேலும் அதிகரிக்க வாய்ப்புள்ளதாகத் தெரிகிறது.