இன்று திருப்பூர் வழியாக ஈரோட்டில் இருந்து குஜராத், சூரத்திற்கு சிறப்பு ரயில் இயக்கம்!

ஈரோட்டில் இருந்து குஜராத் மாநிலம் சூரத் அருகே உள்ள உத்னாவுக்கு பயணிகளின் கூட்ட நெரிசலை தவிர்க்கும் வகையில் இன்று செப்டம்பர் 30-ம் தேதி சிறப்பு ரெயில் இயக்கப்பட உள்ளது. தெற்கு ரெயில்வே அறிவிப்பின்படி, ஈரோட்டில் இருந்து புதன்கிழமை காலை 8.15 மணிக்கு சிறப்பு ரெயில் (வண்டி எண் 06197) புறப்படும். இந்த ரயில் நாளை அக்டோபர் 1-ம் தேதி இரவு 10 மணிக்கு குஜராத் மாநிலம் சூரத் அருகே உள்ள உத்னா ரெயில் நிலையத்தை சென்றடையும்.

இந்த சிறப்பு ரயிலில் மொத்தம் 20 பெட்டிகள் இடம்பெற்றுள்ளன. ஈரோட்டில் இருந்து புறப்படும் ரெயில் தமிழ்நாட்டில் திருப்பூர் மற்றும் போத்தனூர் ரெயில் நிலையங்களில் நின்று செல்லும். குஜராத் மற்றும் சூரத் உள்ளிட்ட பகுதிகளுக்கு பயணம் செய்ய திட்டமிட்டுள்ள தமிழக பயணிகளுக்கு இந்த சிறப்பு ரெயில் கூடுதல் பயண வசதியை வழங்கும் வகையில் அமைந்துள்ளது.

இந்த ரெயிலுக்கான முன்பதிவு ஏற்கெனவே தொடங்கிவிட்டதாக தெற்கு ரெயில்வே தெரிவித்துள்ளது. எனவே பயணிகள் தங்களது பயணத் தேவைக்கு ஏற்ப முன்பதிவு செய்து கொள்ளலாம்.

இன்று ஈரோடு ரயில் நிலையத்தில் இருந்து காலை 8.15 மணிக்கு புறப்படும் இந்த ரெயில், நாளை இரவு 10 மணிக்கு உத்னாவை சென்றடைவதால், பயணிகள் புறப்படும் நேரம் மற்றும் சேரும் நேரத்தை கவனத்தில் கொண்டு பயணத்தை திட்டமிடலாம்.பண்டிகை மற்றும் விடுமுறை காலங்களில் ரெயில்களில் கூட்டம் அதிகரிக்கும் நிலையில், பயணிகளின் கூடுதல் தேவையை கருத்தில் கொண்டு சிறப்பு ரெயில்கள் இயக்கப்பட்டு வருகின்றன.