பெரும் சோகம்... கோயில் மண்டபம் இடிந்து விழுந்து வடமாநிலத் தொழிலாளி பலி!
நங்கநல்லூர் ராம் நகரில் கோயில் மண்டபத்தை 5 அடி உயரத்துக்கு உயர்த்தும் போது ஜோசியர் விலகியதில் கோயில் மண்டபம் இடிந்து விழுந்ததில் உத்தரபிரதேசத்தைச் சேர்ந்த இளைஞர் ஒருவர் உடல் நசுங்கி உயிரிழந்தார். சென்னை ராம்நகர் நங்கநல்லூரில் உத்தர குருவாயூரப்பன் கோயில் உள்ளது. இங்கு தினமும் ஏராளமான பக்தர்கள் வந்து சாமி தரிசனம் செய்து விட்டு செல்கின்றனர். இந்த கோவில் சாலையை விட மிகவும் தாழ்வாக காணப்படுகிறது.
இதனால் மழைக்காலத்தில் கோயிலுக்குள் தண்ணீர் புகுந்து விடுகிறது. பக்தர்கள் மிகவும் அவதிப்படுகின்றனர். இதையடுத்து நவீன தொழில்நுட்பத்தை பயன்படுத்தி கோவிலை உயர்த்த கோவில் நிர்வாகம் முடிவு செய்தது. அதன்படி, புதிய தொழில்நுட்பம் மூலம், ஜாக்கி மூலம் தூக்கும் பணி, கடந்த ஆண்டு துவங்கியது. கர்ப்பகிரகம் மற்றும் உள் கருவறை அனைத்தும் தரை மட்டத்திலிருந்து 5 அடி உயரத்தில் உள்ளது. கட்டுமானப் பணிகள் 80 சதவீதம் நிறைவடைந்துள்ளன.
மீதமுள்ள பணிகளை முடிப்பதில் தொழிலாளர்கள் மும்முரமாக இருந்தனர்.இந்நிலையில், மண்டபத்தின் பின்பகுதியை ஜாக்கிகள் மூலம் உயர்த்தும் பணி நேற்று நடந்தது. இந்த பணியில் வடமாநில தொழிலாளர்கள் உள்பட சிலர் ஈடுபட்டுள்ளனர். அப்போது, எதிர்பாராதவிதமாக ஜாக்கிகள் வெளியேறியதால், பின் மண்டபம் திடீரென இடிந்து கீழே விழுந்தது
அங்கு வேலை செய்து கொண்டிருந்த வடமாநில தொழிலாளர்கள் 4 பேர் அலறியடித்து ஓடினர். இருப்பினும், இடிபாடுகளில் சிக்கி தொழிலாளி ஒருவர் பலத்த காயம் அடைந்து உயிருக்கு போராடினார். அவரது அலறல் சத்தம் கேட்டு அக்கம் பக்கத்தினர் ஓடி வந்தனர். சிறிது நேரம் கழித்து, கோயில் நிர்வாகம் தொழிலாளியை மீட்டு சென்னை ராஜீவ்காந்தி அரசு மருத்துவமனையில் அனுமதித்தனர். அங்கு தீவிர சிகிச்சை அளித்தும் பலனின்றி நேற்றிரவு இளைஞர் உயிரிழந்ததாக காவல்துறையினருக்கு தகவல் கிடைத்துள்ளது.
இச்சம்பவம் குறித்து ஆதம்பாக்கம் போலீசார் வழக்குப்பதிவு செய்து விசாரணை நடத்தினர். இதில் உத்தரபிரதேச மாநிலம் கேஷ் வாரி நைனாபூர் மாவட்டத்தை சேர்ந்த ஹரிராம் (21) என்பவர் கட்டிட இடிபாடுகளில் சிக்கியது தெரியவந்தது. போலீசார் வழக்கு பதிவு செய்து விசாரணை நடத்தினர். மேலும், உரிய பாதுகாப்பின்றி கோவில் எழுப்பும் பணி நடந்தது குறித்தும் போலீசார் விசாரணை நடத்திaனர். இந்த சம்பவத்தால் அப்பகுதியில் பெரும் பரபரப்பு ஏற்பட்டுள்ளது.
இதற்கிடையே சம்பவம் குறித்து புகாரின் பேரில் ஆதம்பாக்கம் போலீசார் சம்பவ இடத்திற்கு சென்று கோயில் நிர்வாகிகளில் ஒருவரான பெண்ணிடம் விசாரணை நடத்தினர். அப்போது அவர் கூறுகையில், ஹரிராமுக்கு லேசான காயம் மட்டும் தான் ஏற்பட்டது.எனவே சிகிச்சை முடிந்து ஓய்வெடுக்க அவர் தனது இடத்திற்கு சென்றார். இதையடுத்து போலீசார் திரும்பி சென்றனர். அரசு மருத்துவமனையில் சிகிச்சை பெற்று வந்த ஹரிராம் சிறிது நேரத்தில் இறந்து விட்டதாக தகவல் கிடைத்ததும் போலீசார் அதிர்ச்சி அடைந்தனர். விசாரணைக்கு வந்த எஸ்ஐ கோபால் உண்மையை மறைத்து பொய்யான தகவல் கொடுத்தது குறித்து போலீசார் விசாரணை நடத்தி வருகின்றனர்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!