யாரு சாமி நீ..? நடிப்பின் மீது கொண்ட காதலால் ஐ.ஏ.எஸ் பதவியை ராஜினாமா செய்த நபர்..!
இளம் ஐஏஎஸ் ஒருவர் நடிப்பின் மீது கொண்ட ஆர்வத்தால் தனது வேலையை ராஜினாமா செய்து பரபரப்பை ஏற்படுத்தினார்.
2011-ம் ஆண்டு உத்தரபிரதேச பேட்சில் ஐஏஎஸ் அதிகாரியாக இருந்த அபிஷேக் சிங், திரைப்படங்கள் மீது கொண்ட காதலால் தனது வேலையை ராஜினாமா செய்துள்ளதாக அதிகாரிகள் உறுதி செய்துள்ளனர். ஏழு மாத இடைநீக்கத்துக்குப் பிறகு அவர் ராஜினாமா விவகாரம் வெளிவந்தது குறிப்பிடத்தக்கது. அபிஷேக் சிங் நடிப்பிலும் மாடலிங்கிலும் மிகுந்த ஆர்வம் கொண்டவர். இவர் ஏற்கனவே சில படங்களில் பணியாற்றியவர்.. சர்வீஸில் இருக்கும் போது பல சர்ச்சைகளில் சிக்கினார்.
கடந்த 2015ம் ஆண்டு அபிஷேக்க்கை டெல்லிக்கு டெபுடேஷனில் அனுப்பிய அதிகாரிகள், 2018ம் ஆண்டு வரை அங்கேயே இருக்க உத்தரவிட்டனர்.அப்போது மருத்துவ விடுப்பில் அபிஷேக் பணியில் இருந்து விலகி இருந்தார். இதன் காரணமாக, டெல்லி அரசு அவரை 2020 மார்ச் 19 அன்று அவரது சொந்த மாநிலத்திற்கு அனுப்பியது. இருப்பினும், அவர் உடனடியாக பணியில் சேரவில்லை. உரிய காரணம் எதுவும் தெரிவிக்காமல் மூன்று மாதங்களுக்குப் பிறகு ஜூன் 30-ம் தேதி பணியில் சேர்ந்தார். கடந்த ஆண்டு டிசம்பரில் நடைபெற்ற குஜராத் சட்டப் பேரவைத் தேர்தலின் பார்வையாளராக மத்திய தேர்தல் ஆணையத்தால் நியமிக்கப்பட்டார். அகமதாபாத்தில் உள்ள பாபுநகர் மற்றும் அசர்வா சட்டமன்ற தொகுதிகளுக்கு பொது பார்வையாளராக சென்ற அபிஷேக், நவம்பர் 18, 2022 அன்று தனது இன்ஸ்டாகிராமில் ஒரு பதிவில் இதை அறிவித்தார்.
அதில், உத்தியோகபூர்வ வாகனம் ஒன்றின் அருகில் அவர் நிற்பது போன்ற புகைப்படம் வெளியிடப்பட்டிருந்தது. அவர் தனது குழுவுடன் இரண்டு புகைப்படங்களையும் வெளியிட்டுள்ளார். இதற்கு கடும் எதிர்ப்பு தெரிவித்த தேர்தல் ஆணையம் அவரை தேர்தல் பணிகளில் இருந்து நீக்கியது. பணியை புறக்கணித்ததால் இந்த ஆண்டு பிப்ரவரி மாதம் அபிஷேக் சஸ்பெண்ட் ஐஏஎஸ் பதவியில் இருந்து பணிநீக்கம் செய்யப்பட்டார். இந்நிலையில் அவர் கடந்த சில தினங்களுக்கு முன் அதிகாரப்பூர்வமாக தனது ஐஏஎஸ் பணியை ராஜினாமா செய்துள்ளார்.