பயங்கர விபத்து... ஆட்டோ மீது கார் மோதி இருவர் சம்பவ இடத்திலேயே உடல் நசுங்கி பரிதாப பலி!

திருநெல்வேலி மாவட்டம் நாங்குநேரி சுங்கச்சாவடி (டோல்கேட்) அருகே இன்று மதியம் பார்ப்போர் நெஞ்சை உறைய வைக்கும் ஒரு படுபயங்கர சாலை விபத்து அரங்கேறியுள்ளது. அந்தப் பகுதியில் உள்ள தேசிய நெடுஞ்சாலையில் பயணிகள் ஆட்டோ ஒன்று சென்று கொண்டிருந்தது. அப்போது, பின்னால்   வந்த சொகுசுக் கார் ஒன்று, எதிர்பாராத விதமாக ஓட்டுநரின் கட்டுப்பாட்டை முற்றிலும் இழந்து ஆட்டோவின் மீது மிகக் கொடூரமாக மோதி விபத்துக்குள்ளானது.

இந்த பயங்கர மோதலின் தாக்கத்தால் காரின் முன்பகுதி ஆட்டோவின் இடிபாடுகளுக்குள் சிக்கி முற்றிலுமாக நொறுங்கியது. இந்த கோர விபத்தில் காரில் பயணித்த இரண்டு பேர், தலையில் பலத்த காயமடைந்து எவ்வித சிகிச்சையும் இன்றி சம்பவ இடத்திலேயே ரத்த வெள்ளத்தில் துடிதுடித்துப் பரிதாபமாக உயிரிழந்தனர். கண் இமைக்கும் நேரத்திற்குள் நடந்த இந்த துயரச் சம்பவம் அந்தப் பகுதி மக்கள் மற்றும் வாகன ஓட்டிகள் மத்தியில் பெரும் சோகத்தையும் அதிர்ச்சியையும் ஏற்படுத்தியுள்ளது.

நெஞ்சைப் பதற வைக்கும் இந்த விபத்து குறித்துத் தகவலறிந்து சம்பவ இடத்திற்கு  விரைந்து வந்த நாங்குநேரி மூன்றடைப்பு காவல் நிலைய போலீசார், பொதுமக்களின் உதவியுடன் மீட்புப் பணியில் தீவிரமாக இறங்கினர். காரின் இடிபாடுகளுக்குள் சிக்கிக் கிடந்த இருவரின் உடல்களையும் பத்திரமாக மீட்டு, பிரேதப் பரிசோதனைக்காக அருகில் உள்ள அரசு மருத்துவமனைக்கு அனுப்பி வைத்தனர்.