நடிகர் டேனியல் பாலாஜியின் கண்கள் தானம்!
நடிகர் டேனியல் பாலாஜியில் திடீர் மறைவு திரையுலகை பெரும் சோகத்தில் ஆழ்த்தியுள்ளது. மறைந்த டேனியல் பாலாஜியின் உடல் அஞ்சலிக்காக சென்னை புரசைவாக்கம் வரதம்மாள் காலனியில் உள்ள அவரது இல்லத்தில் இறுதி அஞ்சலிக்காக வைக்கப்பட்டுள்ளது. நடிகர் டேனியல் பாலாஜி தனது கண்களை ஏற்கனவே தானம் செய்திருந்தார். புரசைவாக்கத்தில் உள்ள இல்லத்தில் டேனியல் பாலாஜியின் உடல் வைக்கப்பட்டு இருந்த நிலையில், அங்கே சென்ற மருத்துவர்கள் அவரது கண்களை தானம் பெற்றனர். தொடர்ந்து இன்று மாலை அவரது உடல் ஓட்டேரி பகுதியில் உள்ள அரசு மின் மயானத்தில் தகனம் செய்யப்படும் என உறவினர்கள் தெரிவித்துள்ளனர்.
திடீரென நெஞ்சுவலி ஏற்பட்டதால், மருத்துவமனைக்கு அழைத்துச் செல்லப்பட்ட நிலையில், செல்லும் வழியிலேயே தமிழ் சினிமாவின் முன்னணி குணச்சித்திர நடிகர் டேனியல் பாலாஜி மாரடைப்பால் காலமானார். மருத்துவமனையில் இயக்குநர்கள் வெற்றிமாறன், கெளதம் மேனன், அமீர் ஆகியோர் உடனடியாக குவிந்தனர். சென்னை புரசைவாக்கத்தில் உள்ள அவரது வீட்டில், திரையுலகினர் மற்றும் ரசிகர்களின் அஞ்சலிகாக அவரது உடல் வைக்கப்பட்டுள்ளது. அவரது உடலுக்கு இன்று இறுதி அஞ்சலி செலுத்தப்படுகிறது.
வேட்டையாடு விளையாடு படத்தில் வில்லனாக நடித்து ரசிகர்களிடையே பிரபலமடைந்த நடிகர் டேனியல் பாலாஜி, வடசென்னை, பிகில் படங்களில் சிறப்பான நடிப்பை வெளிப்படுத்தி கவனத்தை ஈர்த்திருந்தார்.
சொந்த பெயரான பாலாஜி, நடிகை ராதிகாவின் சித்தி சீரியலில் டேனியல் என்ற கேரக்டரில் அறிமுகமான பின்னர், டேனியல் பாலாஜியாக மாறிற்று. நடிகர் முரளியின் நெருங்கிய உறவினரான டேனியல் பாலாஜி, தமிழ் மட்டுமல்லாமல் தெலுங்கு, கன்னடம் போன்ற மொழிகளிலும் நடித்துள்ளார். நாஞ்சில் பி.சி.அன்பழகன் இயக்கத்தில் முரளி, லைலா நடித்த 'காமராசு' படத்தில் உதவி இயக்குனராக முதன்முதலில் பணிபுரிந்து, திரையுலகில் நுழைந்தார்!
நேற்று திடீரென நெஞ்சுவலி என மருத்துவமனைக்கு சிகிச்சைக்காக கொண்டு செல்லப்பட்ட நிலையில், மருத்துவமனை கொண்டு செல்லும் வழியிலேயே பரிதாபமாக உயிரிழந்தார். கொட்டிவாக்கம் Promed மருத்துவமனையில் டேனியல் பாலாஜியின் உடல் வைக்கப்பட்டிருந்த நிலையில், இன்று அதிகாலை 2.30 மணிக்கு வீட்டிற்கு கொண்டு செல்லப்பட்டது. மருத்துவமனையில் செய்தி கேள்விப்பட்டு இயக்குநர்கள் அமீர், வெற்றிமாறன், சந்தோஷ் நாராயணன், கவுதம் மேனன் மற்றும் நண்பர்கள் நள்ளிரவில் குவிந்தனர். டேனியல் பாலாஜியின் தாயாரும், நடிகர் முரளியின் தாயாரும் உடன்பிறந்த சகோதரிகள் என்பது குறிப்பிடத்தக்கது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!