2வது குழந்தைக்கு தாயானார் நடிகை சோனம் கபூர் - குவியும் வாழ்த்துகள்!
மும்பை: பாலிவுட் நடிகர் அனில் கபூரின் மகளும், பிரபல நடிகையுமான சோனம் கபூர், தனக்கு இரண்டாவது ஆண் குழந்தை பிறந்துள்ள மகிழ்ச்சியான செய்தியைச் சமூக வலைதளங்களில் பகிர்ந்துள்ளார்.
பிரபல தொழிலதிபர் ஆனந்த் அஹுஜாவை கடந்த 2018-ம் ஆண்டு சோனம் கபூர் திருமணம் செய்து கொண்டார். இந்தத் தம்பதிக்கு கடந்த 2022-ம் ஆண்டு 'வாயு' என்ற முதல் ஆண் குழந்தை பிறந்தது. தற்போது நான்கு ஆண்டுகள் இடைவெளிக்குப் பிறகு, இந்தத் தம்பதிக்கு மீண்டும் ஒரு அழகான ஆண் குழந்தை பிறந்துள்ளது.
சோனம் கபூர் கடைசியாக 2023-ம் ஆண்டு வெளியான 'பிலைன்ட்' என்ற க்ரைம் த்ரில்லர் திரைப்படத்தில் நடித்திருந்தார். இந்தப் படத்தில் பார்வை குறைபாடுள்ள ஒரு துணிச்சலான காவல்துறை அதிகாரியாக, தொடர் கொலைகாரனைத் தேடும் சவாலான கதாபாத்திரத்தில் நடித்துப் பாராட்டுக்களைப் பெற்றார்.
திருமணத்திற்குப் பிறகும் கதையம்சம் கொண்ட படங்களைத் தேர்ந்தெடுத்து நடித்து வரும் சோனம், தற்போது தனது குடும்ப வாழ்க்கையில் கூடுதல் கவனம் செலுத்தி வருகிறார்.
குழந்தை பிறந்த செய்தியை அறிந்தவுடன் கரீனா கபூர், அர்ஜுன் கபூர் உள்ளிட்ட பாலிவுட் பிரபலங்களும், லட்சக்கணக்கான ரசிகர்களும் சமூக வலைதளங்களில் இந்தத் தம்பதிக்குத் தங்களது வாழ்த்துகளைத் தெரிவித்து வருகின்றனர். 'வாயு'விற்குத் தம்பி வந்துவிட்டதாக ரசிகர்கள் உற்சாகமடைந்துள்ளனர்.