இன்று தமிழகம் முழுவதும் பத்திரப்பதிவுக்கு கூடுதல் முன்பதிவு டோக்கன்கள் விநியோகம்... நாளை ‘ஆடி’ ஆரம்பம்!

நாளை முதல் ஆடி மாதம் தொடங்க உள்ளதைத் தொடர்ந்து, இன்று ஜூலை 16, வியாழக்கிழமை பத்திரப்பதிவு அலுவலகங்களில் மக்கள் கூட்டம் அலைமோதும் என்பதால், பொதுமக்களின் வசதிக்காகக் கூடுதல் முன்பதிவு டோக்கன்களை வழங்கத் தமிழக அரசு உத்தரவிட்டுள்ளது.

நடப்பு நிதியாண்டில் இன்று ஜூலை 16, வியாழக்கிழமை ஆனி மாதத்தின் இறுதி நாள் என்பதால்,  தங்களது சொத்துப் பத்திரங்களைப் பதிவு செய்யப் பொதுமக்கள் தரப்பில் இருந்து கூடுதல் டோக்கன்கள் ஒதுக்கீடு செய்யக் கோரிக்கைகள் குவிந்தன. பொதுமக்களின் இந்த நியாயமான கோரிக்கையை ஏற்று, தமிழகப் பதிவுத்துறை இன்று ஒரு நாள் மட்டும் தட்கல் மற்றும் சாதாரண முன்பதிவு டோக்கன்களின் எண்ணிக்கையை கணிசமாக உயர்த்தியுள்ளது. இன்று  பத்திரப்பதிவு செய்ய விரும்பும் பொதுமக்களுக்காக அலுவலகங்களின் பணித் திறனுக்கு ஏற்ப டோக்கன்கள் மாற்றியமைக்கப்பட்டுள்ளன.

அதிகளவில் ஆவணப் பதிவுகள் நடைபெறும் அந்த 100 முக்கிய அலுவலகங்களில், ஏற்கனவே வழக்கமாக வழங்கப்படும் 12 தட்கல் முன்பதிவு டோக்கன்களுடன், கூடுதலாக 4 தட்கல் டோக்கன்கள் சேர்க்கப்பட்டு மொத்தம் 16 தட்கல் டோக்கன்கள் பொதுமக்களின் அவசரப் பயன்பாட்டிற்காக  வழங்கப்பட உள்ளன.

இன்று  கூடுதல் டோக்கன்கள் வழங்கப்பட உள்ளதால், தமிழகத்தில் உள்ள அனைத்துச் சார்பதிவாளர் அலுவலகங்களிலும் பொதுமக்கள் தடையின்றிப் பத்திரப்பதிவு செய்யத் தேவையான கூடுதல் கணினிகள், தடையற்ற இணையதள வசதி மற்றும் குடிநீர் உள்ளிட்ட உள்கட்டமைப்பு வசதிகளைத் தயார் நிலையில் வைக்குமாறு அனைத்து மண்டலப் பதிவுத்துறை அதிகாரிகளுக்கும் அரசு அறிவுறுத்தியுள்ளது.

இன்று  பத்திரப்பதிவு செய்யத் திட்டமிட்டுள்ள பொதுமக்கள் இந்த கூடுதல் டோக்கன் வசதியைப் பதிவுத்துறையின் அதிகாரப்பூர்வ இணையதளம் மூலம் முன்கூட்டியே ஆன்லைனில் பதிவு செய்து பயன்படுத்திக் கொள்ளலாம் எனத் தெரிவிக்கப்பட்டுள்ளது.