அக்னிபான் சார்ட் விண்ணில் ஏவுவதில் மீண்டும் கோளாறு.. மூன்றாவது முறையாக ஒத்திவைப்பு!
சென்னையைச் சேர்ந்த விண்வெளி தொழில்நுட்ப ஸ்டார்ட்அப் நிறுவனமான அக்னிகுல் காஸ்மோஸ், ஸ்ரீஹரிகோட்டாவில் உள்ள சதீஷ் தவான் விண்வெளி ஆராய்ச்சி மைய வளாகத்தில் சிறிய ராக்கெட்டுகளை விண்ணில் செலுத்துவதற்காக தனியார் ஏவுதளத்தை அமைத்துள்ளது. அதன்படி அக்னிகுல் நிறுவனம், 'அக்னிபன் சார்ட்' என்ற சிறிய ராக்கெட்டை உருவாக்கியுள்ளது. இந்தியாவின் முதல் செமி கிரையோஜெனிக் எஞ்சின் கொண்ட இந்த ராக்கெட் 300 கிலோ எடையுள்ள ஆய்வுகளை பூமியின் சுற்றுப்பாதைக்கு கொண்டு செல்லும் திறன் கொண்டது. 700 கிமீ தூரம் செல்லலாம்.
இந்த ராக்கெட்டை கடந்த மாதம் 22ம் தேதி சதீஷ் தவான் ஏவுதளத்தில் இருந்து விண்ணில் செலுத்த முடிவு செய்யப்பட்டது. ஆனால், இறுதிக்கட்டத்தில் தொழில்நுட்ப கோளாறு காரணமாக ராக்கெட் ஏவுவது ஒத்திவைக்கப்பட்டது. பின்னர் ராக்கெட்டில் ஏற்பட்ட பிரச்சனைகள் சரி செய்யப்பட்டு நேற்று (ஏப்ரல் 6) காலை ஏவ திட்டமிடப்பட்டது. ஆனால் கவுன்ட் டவுன் தொடங்கும் முன்பே நிறுத்தப்பட்டு இன்று தொடங்கப்படும் என்று தெரிவிக்கப்பட்டது.
ராக்கெட்டில் சில தொழில்நுட்ப கோளாறுகள் கண்டறியப்பட்டதாக தெரிகிறது. ஆனால் இன்றும் ராக்கெட் ஏவப்படவில்லை. இரண்டு வாரங்களில் ராக்கெட் ஏவுதல் ஒத்திவைக்கப்படுவது இது மூன்றாவது முறையாகும். தொழில்நுட்பக் கோளாறை சரிசெய்யும் பணியில் ஆய்வாளர்கள் ஈடுபட்டுள்ளனர். அதன் பிறகு ராக்கெட் ஏவப்படும் தேதியை அறிவிப்பார்கள் என தகவல் வெளியாகியுள்ளது.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!