"திமுகவின் கிளைக்கழகமாக இப்போ அதிமுக மாறிடுச்சு": மதுராந்தகம் பிரசாரத்தில் விஜய் கடும் தாக்கு!

மதுராந்தகத்தில் நடைபெற்ற இடைத்தேர்தல் பிரசாரக் கூட்டத்தில் பேசிய தமிழக முதலமைச்சர் விஜய், எதிர்க்கட்சியான அதிமுகவை கடுமையாக விமர்சித்ததுடன், அது தற்போது திமுகவின் கிளைக்கழகமாகச் செயல்பட்டு வருவதாகக் குற்றம்சாட்டியுள்ளார்.

மதுராந்தகத்தில் திரண்டிருந்த பொதுமக்கள் மத்தியில் உரையாற்றிய முதலமைச்சர் விஜய், ஆரம்பத்தில் பாஜகவின் கிளைக்கழகமாகச் செயல்பட்டு வந்த அதிமுக, தற்போது முழுமையாக திமுகவின் கிளைக்கழகமாகவே மாறிவிட்டதாக விமர்சித்தார்.

பெண்களைத் தொடர்ந்து அவதூறாகவும் ஆபாசமாகவும் பேசி வரும் திமுகவுக்கோ அல்லது அவர்களை மறைமுகமாக ஆதரிக்கும் அதிமுகவுக்கோ மக்கள் வாக்களித்தால் நிலைமை என்னவாகும் என்று கேள்வி எழுப்பிய அவர், பொதுமக்கள் எச்சரிக்கையுடன் இருக்க வேண்டும் என்றார்.

மக்களின் வரிப் பணத்தைத் தொட மாட்டோம்; ஒருவேளை தொட்டவர்களையும் சும்மா விட மாட்டோம் என்று குறிப்பிட்ட அவர், எல்லாவற்றையும் தீர விசாரித்து விட்டுத்தான் தாம் அரசியலுக்கு வந்துள்ளதாகத் தெரிவித்தார்.

மேலும், மறைந்த முன்னாள் முதலமைச்சர்கள் மற்றும் தற்போதைய அரசியல் சூழலைக் குறிப்பிட்டு, "ஸ்டாலின் தோற்றாலும், ஜெயித்தாலும் அங்கிள் தான்" என்று அரசியல் ரீதியாகக் கிண்டலடித்துப் பேசினார்.