பிரதீக் யாதவ் மறைவு...அகிலேஷ் யாதவிற்கு மு.க.ஸ்டாலின் இரங்கல்!

உத்தரப்பிரதேசத்தின் முன்னாள் முதலமைச்சர் மறைந்த முலாயம் சிங் யாதவின் இளைய மகனும், அகிலேஷ் யாதவின் சகோதரருமான பிரதீக் யாதவ் (38) இன்று காலமானார். அவரது அகால மரணம் அரசியல் வட்டாரத்தில் பெரும் சோகத்தை ஏற்படுத்தியுள்ளது. பிரதீக் யாதவின் மறைவையொட்டி, தி.மு.க. தலைவர் மு.க.ஸ்டாலின் தனது ஆழ்ந்த இரங்கலைத் தெரிவித்துள்ளார். இது குறித்து அவர் வெளியிட்டுள்ள சமூக வலைதளப் பதிவில், அவரது குடும்பத்தினருக்கு ஆறுதல் கூறியுள்ளார்.

தமது எக்ஸ் தளப் பதிவில் மு.க.ஸ்டாலின் குறிப்பிட்டுள்ளதாவது, "ஆழ்ந்த துயரமும் வேதனையும் நிறைந்த இத்தருணத்தில், என் எண்ணங்கள் அன்புச் சகோதரர் அகிலேஷ் யாதவ் மற்றும் துயரத்தில் மூழ்கியிருக்கும் குடும்பத்தினர் அனைவருடனும் உள்ளன. இந்த ஈடுசெய்ய முடியாத இழப்பைத் தாங்கிக்கொள்ளும் மனவலிமையை அவர்கள் பெறட்டும்," என்று அவர் உருக்கமாகத் தெரிவித்துள்ளார். தி.மு.க. தலைவரின் இந்த இரங்கல் செய்தி, அகிலேஷ் யாதவ் குடும்பத்தினருக்குப் பெரும் ஆதரவாகப் பார்க்கப்படுகிறது.

பிரதீக் யாதவ் அரசியலில் தீவிரமாகச் செயல்படாமல், தனது ரியல் எஸ்டேட் மற்றும் உடற்பயிற்சி சார்ந்த தொழில்களில் கவனம் செலுத்தி வந்தார். திடீரென ஏற்பட்ட அவரது உயிரிழப்பு, அவரது குடும்பத்தினருக்கும், சமாஜ்வாதி கட்சியினருக்கும் ஒரு பெரும் அதிர்ச்சியைத் தந்துள்ளது. அவரது மறைவுக்கு பல்வேறு மாநிலத் தலைவர்களும் தங்கள் ஆழ்ந்த இரங்கலைத் தொடர்ந்து தெரிவித்து வருகின்றனர்.