இயக்குநர் பாக்யராஜ் மறைவால் நாளை அனைத்து சினிமா படப்பிடிப்புகளும் ரத்து!

சென்னை நுங்கம்பாக்கத்தில் உள்ள இல்லத்தில் வைக்கப்பட்டுள்ள மறைந்த இயக்குநர் கே.பாக்யராஜின் உடலுக்கு முதலமைச்சர் விஜய், ரஜினிகாந்த் உள்ளிட்ட திரைப்பிரபலங்களும், அரசியல் கட்சியினரும் நேரில் அஞ்சலி செலுத்தியுள்ள வேளையில், ஒட்டுமொத்தத் தமிழ் திரையுலகமும் தங்களின் பணிகளை நிறுத்தி அவருக்கு அஞ்சலியைச் செலுத்த முன்வந்துள்ளது.

மறைந்த இயக்குநர் கே.பாக்யராஜின் தமிழ் சினிமா சேவையைப் போற்றும் வகையிலும், திரையுலகினர் அனைவரும் அவரது இறுதிப் பயணத்தில் பங்கேற்று அஞ்சலி செலுத்த ஏதுவாகவும் நாளை ஒரு நாள் முழுவதும் அனைத்து தமிழ்த் திரைப்படப் படப்பிடிப்புகளும் முழுமையாக ரத்து செய்யப்படுவதாகத் தயாரிப்பாளர்கள் சங்கம் மற்றும் திரைத்துறை கூட்டமைப்பு அதிகாரப்பூர்வமாக அறிவித்துள்ளது.

திரைத்துறை சார்பில் வெளியிடப்பட்டுள்ள இந்த அறிவிப்பில், நாளை காலை 6 மணி முதல் மாலை 6 மணி வரை 12 மணி நேரத்திற்குத் தமிழகம் முழுவதும் நடைபெறவிருந்த அனைத்து விதமான திரைப்படப் படப்பிடிப்புகளும், அது சார்ந்த இதர பிற தயாரிப்புப் பணிகளும் முற்றிலும் நிறுத்தப்படும்.

நாளை தமிழக அரசின் முழு 'அரசு மரியாதை'யுடன் துப்பாக்கி குண்டுகள் முழங்க இறுதிச் சடங்குகள் முறைப்படி நடைபெறவுள்ளன.