அதிக் அகமதுவின் மகன் அபான் அகமது கார் விபத்தில் உயிரிழப்பு!

உத்தரப் பிரதேசத்தில் நடைபெற்ற கொடூர சாலை விபத்தில், காலஞ்சென்ற போக்கிரியாக இருந்து அரசியல்வாதியாக மாறிய அதிக் அகமதுவின் இளைய மகன் அபான் அகமது மற்றும் அவரது நண்பர் சம்பவ இடத்திலேயே உயிரிழந்தனர். உத்தரப் பிரதேச மாநிலம் ஜான்சி பகுதியில் இந்த விபத்து நிகழ்ந்துள்ளது.

பிரயாக்ராஜில் இருந்து ஜான்சி சிறையில் அடைக்கப்பட்டுள்ள தனது சகோதரரைச் சந்திப்பதற்காக அபான் அகமது காரில் சென்று கொண்டிருந்தார்.

அபான் பயணித்த அதிவேக வெள்ளை நிற ஹூண்டாய் கிரெட்டா கார், ஓட்டுநரின் கட்டுப்பாட்டை இழந்து சாலைத் தடுப்பில் பலமாக மோதியுள்ளது. இந்த மோதலின் கொடூரத் தாக்கத்தால் அபான் அகமது மற்றும் சோனு என அடையாளம் காணப்பட்ட அவரது நண்பர் ஆகிய இருவரும் சம்பவ இடத்திலேயே பரிதாபமாக உயிரிழந்தனர்.

விபத்து நடந்த போது வாகனம் மிக அதிவேகத்தில் இயக்கப்பட்டதாகக் காவல்துறை தரப்பில் தெரிவிக்கப்பட்டுள்ளது. இருவரின் உடல்களும் பிரேதப் பரிசோதனைக்காக அனுப்பி வைக்கப்பட்டு, விபத்து குறித்து மேலதிக விசாரணைகள் மேற்கொள்ளப்பட்டு வருகின்றன.