BB10... ஜேசனை கதறவிட்ட ரம்யாகிருஷ்ணன்... பகீர் கிளப்பிய சர்ச்சை !

  பிக் பாஸ் தமிழ் சீசன் 10 நிகழ்ச்சியில் விஜய் சேதுபதிக்குப் பதிலாக இந்த வாரம் தொகுப்பாளராக வந்த ரம்யா கிருஷ்ணன், ஜேசன் – முனியம்மா இடையிலான பிரச்சினையை விசாரித்த விதம் ரசிகர்களின் கவனத்தை ஈர்த்துள்ளது.

கடந்த வாரம் முனியம்மா பேசிய கருத்தைத் தவறாகப் புரிந்துகொண்டதாகக் கூறப்படும் ஜேசன், அவருடன் வாக்குவாதத்தில் ஈடுபட்டார். இந்த விவகாரத்தை எடுத்துப் பேசிய ரம்யா கிருஷ்ணன், சம்பவம் தொடர்பான குறும்படத்தைப் போட்டுக் காட்டி, முனியம்மா கூறியதன் பொருளை விளக்க முயன்றார். அப்போது ஜேசன் தொடர்ந்து குறுக்கிட்டதால் விவாதம் சூடுபிடித்தது.

பின்னர் மற்ற போட்டியாளர்களிடமும் கருத்துக் கேட்ட ரம்யா கிருஷ்ணன், ஜேசனின் வாதங்களைச் சுட்டிக்காட்டினார். இந்த நிகழ்வுக்குப் பிறகு ரம்யா கிருஷ்ணனின் அணுகுமுறை குறித்து சமூக வலைதளங்களில் ரசிகர்கள் கருத்துகளைப் பகிர்ந்து வருகின்றனர். இந்த விவகாரம் அடுத்த எபிசோடிலும் தொடருமா என்ற எதிர்பார்ப்பும் எழுந்துள்ளது.