தாராபுரத்தில் விஜய் பிரச்சாரப் பகுதி அருகே பைக் மோதி விபத்து; ஒருவர் படுகாயம்!

தாராபுரத்தில் தமிழக முதலமைச்சர் விஜய் பங்கேற்கவிருந்த தேர்தல் பிரச்சாரப் பொதுக்கூட்டப் பகுதிக்கு அருகில், இருசக்கர வாகனங்கள் மோதிக்கொண்ட விபத்தில் முதியவர் ஒருவர் பலத்த காயமடைந்தார்.

முதலமைச்சரின் வருகையை முன்னிட்டு அப்பகுதியில் திரளான மக்கள் கூடிருந்த நிலையில், பிரச்சார நிகழ்வைப் பார்த்தவாறே வந்த இருசக்கர வாகனங்கள் ஒன்றோடொன்று எதிர்பாராதவிதமாக மோதிக் கொண்டன.

இந்த விபத்தில் தலையில் பலத்த காயமடைந்த முதியவர் ஒருவர் ரத்த வெள்ளத்தில் கீழே விழுந்தார். உடனடியாக அங்குப் பாதுகாப்புப் பணியில் ஈடுபட்டிருந்த காவல்துறையினரும், தவெக தொண்டர்களும் இணைந்து அவரை மீட்டுச் சிகிச்சைக்காக மருத்துவமனைக்கு அனுப்பி வைத்தனர். பொதுக்கூட்டத்திற்கு முன்னதாகவே இப்பகுதியில் நடந்த இந்த விபத்து அப்பகுதியில் சிறிது நேரம் பரபரப்பை ஏற்படுத்தியது.