கரிபா ஏரியில் படகு கவிழ்ந்து விபத்து... 15 பேர் பலி, 27 பேர் மாயம்!
தென் ஆப்பிரிக்காவில் உள்ள கரிபா ஏரி ஜிம்பாப்வே மற்றும் அதன் அண்டை நாடான ஜாம்பியா ஆகியவற்றுக்கு இடையேயான எல்லையின் ஒரு பகுதியாக அமைந்துள்ளது. நீரின் கொள்ளளவு அடிப்படையில் உலகின் மிகப்பெரிய மனிதனால் உருவாக்கப்பட்ட ஏரியான இது கடந்த காலங்களில் அணைகள் கட்டப்பட்டதன் மூலம் உருவாக்கப்பட்டது. இதனால் ஒரு பெரிய பள்ளத்தாக்கு நீரால் நிரப்பப்பட்டு பிரம்மாண்டமான ஏரியாக மாறியுள்ளது.
இந்நிலையில் கரிபா ஏரியில் அதிக பயணிகளை ஏற்றிச் சென்ற படகு ஒன்று கவிழ்ந்ததில் 15 பேர் பரிதாபமாக உயிரிழந்துள்ளனர். இந்த கோர விபத்தில் மேலும் 27 பேர் மாயமாகியுள்ளதாக அந்நாட்டின் பேரிடர் மேலாண்மை முகமை அதிகாரப்பூர்வமாக தெரிவித்துள்ளது.
விபத்து நடந்த பகுதியில் மீட்புப் பணிகள் தீவிரமாக நடைபெற்று வருவதுடன் இதுவரை 77 பேர் பத்திரமாக மீட்கப்பட்டுள்ளனர். மீட்கப்பட்ட அனைவரும் அருகில் உள்ள பாதுகாப்பான தீவுக்கு அழைத்துச் செல்லப்பட்டு உரிய உதவிகள் வழங்கப்பட்டு வருகின்றன. மாயமானவர்களை தேடும் பணியில் மீட்பুப் படையினர் தொடர்ந்து ஈடுபட்டுள்ளனர்.