முன்கூட்டியே வாங்கிக்கோங்க... கோயம்பேடு சந்தைக்கு விடுமுறை அறிவிப்பு!

தீபாவளிப் பண்டிகையை முன்னிட்டு, சென்னை கோயம்பேடு காய்கறி, பழம் மற்றும் பூ சந்தைக்கு வரும் நவம்பர் 9-ஆம் தேதி திங்கட்கிழமை ஒரு நாள் முழு விடுமுறை அறிவிக்கப்பட்டுள்ளது.

இந்த ஆண்டு தீபாவளிப் பண்டிகை நவம்பர் 8-ஆம் தேதி (ஞாயிற்றுக்கிழமை) கொண்டாடப்படும் நிலையில், பொதுமக்கள் மற்றும் பணியாளர்கள் தங்களது சொந்த ஊர்களுக்குச் சென்று திரும்பி வர ஏதுவாக, மறுநாளான நவம்பர் 9-ஆம் தேதியைத் தமிழ்நாடு அரசு ஏற்கனவே பொது விடுமுறையாக அறிவித்துள்ளது.

சந்தை வியாபாரிகள், சுமை தூக்கும் தொழிலாளர்கள் மற்றும் பணியாளர்கள் தங்களது குடும்பத்தினருடன் பண்டிகையை மகிழ்ச்சியாகக் கொண்டாட வழிவகை செய்யும் வகையில், கோயம்பேடு வணிக வளாக அனைத்து சங்கங்களின் கூட்டமைப்பு இந்த அதிகாரப்பூர்வ விடுமுறை முடிவை எடுத்துள்ளது.

நவம்பர் 9 (திங்கள்) விடுமுறை முடிந்து, நவம்பர் 10-ஆம் தேதி (செவ்வாய்க்கிழமை) முதல் கோயம்பேடு சந்தை மீண்டும் வழக்கம்போல் செயல்படும் எனத் தெரிவிக்கப்பட்டுள்ளது.

நவம்பர் 9-ஆம் தேதி சந்தை இயங்காது என்பதால், சில்லறை வியாபாரிகளும் பொதுமக்களும் தங்களுக்குத் தேவையான காய்கறிகள் மற்றும் அத்தியாவசியப் பொருட்களை முன்கூட்டியே வாங்கித் திட்டமிட்டுக் கொள்ளுமாறு கூட்டமைப்பு நிர்வாகிகள் கேட்டுக்கொண்டுள்ளனர்.