குட் நியூஸ்... 70% வரை புற்றுநோய் மருந்துகளின் விலை குறைய வாய்ப்பு!

 By Sujatha Oct 8, 2026, 20:45 IST
கேன்சர்

 

புற்றுநோய் சிகிச்சை பெறும் நோயாளிகளுக்கு நிவாரணம் அளிக்கும் வகையில், சில புற்றுநோய் மருந்துகளின் விலையை குறைக்கும் வகையில் மத்திய அரசு முக்கிய நடவடிக்கையை எடுத்துள்ளது.மருந்து விற்பனையில் உற்பத்தியாளரிடம் இருந்து நோயாளி வரை பல்வேறு நிலைகளில் சேர்க்கப்படும் வர்த்தக லாப வரம்பை கட்டுப்படுத்தும் வகையில், விலை கட்டுப்பாட்டுக்கு உட்படாத (non-scheduled) புற்றுநோய் மருந்துகளுக்கு வர்த்தக மார்ஜினை 30 சதவீதமாக மத்திய அரசு நிர்ணயித்துள்ளது.

இந்த நடவடிக்கையின் மூலம், அதிக வர்த்தக மார்ஜின் கொண்ட சில புற்றுநோய் மருந்துகளின் அதிகபட்ச சில்லறை விலை (MRP) கணிசமாக குறைய வாய்ப்புள்ளதாக அரசு தெரிவித்துள்ளது. தற்போதுள்ள விலையைப் பொறுத்து சில மருந்துகளின் MRP 70 சதவீதம் வரை குறையக்கூடும் என மதிப்பிடப்பட்டுள்ளது.

இந்த புதிய நடவடிக்கை பிராண்டட் மற்றும் ஜெனரிக் மருந்துகள், உள்நாட்டில் தயாரிக்கப்படும் மருந்துகள் மற்றும் இறக்குமதி செய்யப்படும் மருந்துகள் உள்ளிட்ட non-scheduled anti-cancer medicines-க்கு பொருந்தும் என தெரிவிக்கப்பட்டுள்ளது.

இதன் மூலம் புற்றுநோய் சிகிச்சைக்காக அதிக தொகையை செலவிடும் நோயாளிகள் மற்றும் அவர்களது குடும்பங்களுக்கு நிதிச்சுமை குறையும் என எதிர்பார்க்கப்படுகிறது. மத்திய அரசின் மதிப்பீட்டின்படி, இந்த நடவடிக்கையால் நோயாளிகளுக்கு ஆண்டுக்கு சுமார் ரூ.2,500 கோடி வரை சேமிப்பு கிடைக்கக்கூடும்.

புற்றுநோய் மருந்துகளின் விலை தொடர்பாக சமீபத்தில் சுப்ரீம் கோர்ட்டும் மத்திய அரசிடம் கேள்வி எழுப்பியிருந்தது. குறிப்பிட்ட சில மருந்துகளில் உற்பத்தியாளர் அல்லது விநியோகஸ்தர் விலைக்கும் நோயாளிகள் செலுத்தும் MRP-க்கும் இடையே மிகப்பெரிய வித்தியாசம் இருப்பது குறித்து நீதிமன்றம் கவலை தெரிவித்திருந்தது. இந்த வழக்கு அக்டோபர் 12-ம் தேதி மீண்டும் விசாரணைக்கு வர உள்ளது.

Cancer Drug Prices May Fall By Up To 70% As Government Caps Trade Margins: Sources

ஏற்கனவே National Pharmaceutical Pricing Authority (NPPA) மூலம் விலை கட்டுப்பாட்டுக்கு உட்பட்ட பல புற்றுநோய் மருந்துகளுக்கு ceiling price நிர்ணயிக்கப்பட்டுள்ளது. மார்ச் 2026 நிலவரப்படி 131 anti-cancer drugs-க்கு ceiling prices நடைமுறையில் இருப்பதாக மத்திய அரசு தெரிவித்திருந்தது.மத்திய அரசின் இந்த புதிய நடவடிக்கை மூலம், குறிப்பாக விலை அதிகமாக உள்ள சில புற்றுநோய் மருந்துகள் நோயாளிகளுக்கு குறைந்த விலையில் கிடைக்கும் வாய்ப்பு ஏற்பட்டுள்ளது.