ஆபத்தான நிலையில் உள்ள 174 கட்டிடங்களை இடிக்க சென்னை மாநகராட்சி உத்தரவு!

சென்னையில் வரவிருக்கும் மழைக்காலத்தை முன்னிட்டு பொதுமக்களின் பாதுகாப்பை உறுதி செய்ய சென்னை மாநகராட்சி  தீவிரமான   நடவடிக்கைகளில் இறங்கியுள்ளது. மழைக்காலங்களில் பழுதடைந்த பழைய கட்டிடங்கள் திடீரென இடிந்து விழுந்து பெரும் விபத்துகள் ஏற்படுவதைத் தடுப்பதே இதன் முக்கிய நோக்கமாகும். இதற்காக மாநகராட்சி அதிகாரிகள் சென்னை முழுவதும் உள்ள அனைத்து வார்டுகளிலும் பழுதடைந்த கட்டிடங்கள் குறித்து தீவிரமான கள ஆய்வு நடத்தினர்.

இந்த ஆய்வின் முடிவில்  மாநகராட்சி எல்லைக்குட்பட்ட பகுதிகளில் மிகவும் பலவீனமாகவும் ஆபத்தான நிலையிலும் உள்ள 174 கட்டிடங்கள்  கண்டறியப்பட்டுள்ளன. இந்த கட்டிடங்களால் பொதுமக்களின் உயிருக்கு எந்நேரமும் ஆபத்து ஏற்படலாம் என்பதால் அவற்றை உடனடியாக இடித்து அப்புறப்படுத்த   மாநகராட்சி உத்தரவிட்டுள்ளது. விபத்துகளைத் தவிர்க்கும் நோக்கில் எடுக்கப்பட்டுள்ள இந்த துரித நடவடிக்கை  க்களிடையே   பெரும் வரவேற்பைப் பெற்றுள்ளது.

முதற்கட்டமாக இந்த 174 கட்டிடங்களின் உரிமையாளர்களுக்குப் போதிய கால அவகாசம் வழங்கி தங்களின் கட்டிடங்களை அவர்களாகவே இடித்துக் கொள்ளுமாறு மாநகராட்சி சார்பில் நோட்டீஸ் அனுப்பப்பட உள்ளது. அவ்வாறு குறிப்பிட்ட காலத்திற்குள் கட்டிடங்களை இடிக்கத் தவறினால் மாநகராட்சி ஊழியர்களே நேரடியாகக் களத்தில் இறங்கி அந்த ஆபத்தான கட்டிடங்களை முழுமையாக இடித்து அகற்றுவார்கள் என எச்சரிக்கப்பட்டுள்ளது. அசம்பாவிதங்கள் ஏதுமின்றி சென்னையைப் பாதுகாப்பாக வைத்திருக்கவே இந்த  நடவடிக்கை எடுக்கப்பட்டுள்ளதாக அதிகாரிகள் தெரிவித்துள்ளனர்.