முதல்வர் விஜய்யை சந்தித்து வாழ்த்து பெற்ற செஸ் கிராண்ட் மாஸ்டர் பிரக்ஞானந்தா !

நார்வே செஸ் தொடரில் வரலாற்றுச் சிறப்புமிக்க வெற்றியைப் பெற்று சாம்பியன் பட்டம் வென்ற கிராண்ட் மாஸ்டர் பிரக்ஞானந்தா, தமிழகம் திரும்பியதும் இன்று முதலமைச்சர் விஜய்யை நேரில் சந்தித்தார். தனது குடும்பத்தினருடன் சென்னை தலைமைச் செயலகத்திற்கு வருகை தந்த பிரக்ஞானந்தா, முதலமைச்சரிடம் தனது வெற்றி குறித்து மகிழ்ச்சியைப் பகிர்ந்து கொண்டார்.

உலகத் தரம் வாய்ந்த வீரர்களை வீழ்த்தி, நார்வே செஸ் தொடரை வென்ற முதல் இந்தியர் என்ற பெருமையைப் பெற்றுள்ள பிரக்ஞானந்தாவின் இந்த   சாதனையை முதலமைச்சர் விஜய் பெரிதும் பாராட்டினார். தமிழர்களுக்கும் இந்தியாவிற்கும் பெருமை சேர்த்த இந்த உன்னதமான வெற்றிக்காக அவருக்கு மனமார்ந்த வாழ்த்துகளையும் பாராட்டுகளையும் தெரிவித்தார்.

இந்த சிறப்பான மற்றும் வரலாற்று வெற்றியைப் பாராட்டி, பிரக்ஞானந்தாவிற்கு தமிழக அரசு சார்பில்   ஊக்கத்தொகை வழங்கி முதலமைச்சர் கௌரவித்தார். மேலும், அவர் அதிரடியாகத் தனது திறமைகளை வெளிப்படுத்தி எதிர்காலத்தில் பங்கேற்கவிருக்கும் அனைத்து சர்வதேச போட்டிகளிலும் தொடர்ந்து பல வெற்றிகளைக் குவிக்க வேண்டும் என்று முதலமைச்சர் தனது வாழ்த்துகளைத் தெரிவித்தார்.