7 ஆண்டுகள் கழித்து சீன அதிபர் ஜி ஜின்பிங் பிரிக்ஸ் உச்சி மாநாட்டில் பங்கேற்க இந்தியா வருகிறார் !
டெல்லியில் நடைபெறவுள்ள 18-வது பிரிக்ஸ் (BRICS) உச்சி மாநாட்டில் பங்கேற்பதற்காகச் சீன அதிபர் ஜி ஜின்பிங் இந்தியா வருகை தரவுள்ளார்.
-
பிரதமர் நரேந்திர மோடியின் அழைப்பின் பேரில், வரும் செப்டம்பர் 12 மற்றும் 13 ஆகிய தேதிகளில் புதுடெல்லியில் நடைபெறும் பிரிக்ஸ் உச்சி மாநாட்டில் சீன அதிபர் ஜி ஜின்பிங் கலந்துகொள்ள உள்ளார்.
-
7 ஆண்டுகளுக்குப் பிறகு பயணம்: கடந்த 2019-ஆம் ஆண்டு மாமல்லபுரத்திற்கு வந்த பிறகு, சுமார் 7 ஆண்டுகளுக்குப் பிறகு ஜி ஜின்பிங் அதிகாரப்பூர்வமாக இந்தியா வருகை தருகிறார்.
-
இருதரப்பு பேச்சுவார்த்தை: இந்த உச்சி மாநாட்டின் இடையே, இந்தியப் பிரதமர் நரேந்திர மோடியும் சீன அதிபர் ஜி ஜின்பிங்கும் நேரில் சந்தித்து இருதரப்பு உறவுகள் குறித்துப் பேச்சுவார்த்தை நடத்தவுள்ளனர். எல்லைப் பிரச்சனை மற்றும் வணிக உறவுகள் தொடர்பான விவகாரங்களில் இந்தச் சந்திப்பு மிகுந்த எதிர்பார்ப்பை ஏற்படுத்தியுள்ளது.