கோ ஆப்டெக்ஸ் வெற்றித் தறி விற்பனை நிலையங்கள் திறப்பு... முதலமைச்சர் விஜய் இன்று தொடங்கி வைக்கிறார்!

கோ-ஆப்டெக்ஸ் நிறுவனத்தின் மூலம் புதிதாக அமைக்கப்பட்டுள்ள வெற்றித் தறி விற்பனை நிலையங்களை இன்று (ஆகஸ்ட் 7) முதலமைச்சர் விஜய் அவர்கள் அதிகாரப்பூர்வமாகத் தொடங்கி வைக்க உள்ளார். கைத்தறித் துறையின் விற்பனையை மேம்படுத்தும் நோக்கத்துடன் இந்த புதிய விற்பனை நிலையங்கள் மிகச் சிறப்பாக வடிவமைக்கப்பட்டு பொதுமக்களின் பார்வைக்குக் கொண்டு வரப்படுகின்றன. தமிழக அரசின் சார்பில் உழவர்கள் மற்றும் நெசவாளர்களின் நலனைக் காக்கும் வகையில் தொடர்ந்து பல்வேறு முற்போக்கான திட்டங்கள் செயல்படுத்தப்பட்டு வருவது குறிப்பிடத்தக்கது ஆகும்.

குறிப்பிட்ட சில பிரத்யேகப் பொருட்கள் மட்டும் கிடைக்கும் வகையில் எலைட் பொட்டிக் மாடல் வடிவில் இந்த புதிய விற்பனை நிலையங்கள் அமைக்கப்பட உள்ளதாகத் தகவல்கள் வெளியாகியுள்ளன. இதன் மூலம் பொதுமக்கள் மற்றும் வாடிக்கையாளர்கள் தங்களுக்குத் தேவையான தரமான கைத்தறி ஆடைகளை மிகவும் எளிதாகவும் நவீன முறையிலும் வாங்கிப் பயனடைய முடியும்.

நவீன கால நாகரிகத்திற்கு ஏற்ப கைத்தறித் துறையை மேம்படுத்தும் இந்த முயற்சி வாடிக்கையாளர்கள் மத்தியில் பெரும் வரவேற்பைப் பெறும் என எதிர்பார்க்கப்படுகிறது.இதே விழாவில் கோ-ஆப்டெக்ஸ் நிறுவனத்தின் மேம்படுத்தப்பட்ட புதிய இணையதளத்தையும் முதலமைச்சர் விஜய் அவர்கள் தொடங்கி வைத்துச் சிறப்பிக்க உள்ளார். இந்த நிகழ்ச்சியில் கைத்தறி மற்றும் துணிநூல் துறை அமைச்சர் விஜய் பாலாஜி மற்றும் பல முக்கிய அரசு அதிகாரிகளும் கலந்துகொண்டு சிறப்பிக்கின்றனர்