திருப்தியில்ல... கணவர்களை மாற்றிக்கொள்ள அனுமதி கொடுங்க... நீதிமன்றத்தில் சகோதரிகள் வைத்த விநோத கோரிக்கை!

உத்தரபிரதேச மாநிலம் கான்பூரில் உள்ள குடும்ப நல நீதிமன்றத்தில் நீதிபதியையே நிலைதடுமாறச் செய்த விநோதமான வழக்கு ஒன்று விசாரணைக்கு வந்துள்ளது. அங்குள்ள ஒரு குடும்பத்தைச் சேர்ந்த இரண்டு சகோதரிகள், இரண்டு சகோதரர்களைத் திருமணம் செய்து கொண்டனர். ஆனால், திருமணத்திற்குப் பிறகு தங்களின் கணவர்களின் குணநலன்கள் தங்களுக்கு ஒத்துப்போகவில்லை எனக் கூறி, பரஸ்பரம் கணவர்களை மாற்றிக்கொள்ள அனுமதி கேட்டு நீதிமன்றத்தை நாடியுள்ளனர்.

இந்த விநோத கோரிக்கையைக் கேட்ட நீதிபதி மற்றும் நீதிமன்ற ஊழியர்கள் பெரும் அதிர்ச்சியில் உறைந்து போயினர். தங்களுக்குள் பேசி இந்த முடிவை எடுத்துள்ளதாகவும், இதன் மூலம் இரு குடும்பங்களும் மகிழ்ச்சியாக வாழ முடியும் என்றும் அந்தச் சகோதரிகள் வாதாடினர். சட்டப்படி இத்தகைய கோரிக்கையை ஏற்க முடியாது எனத் தெரிவித்த நீதிபதி, சமூக விழுமியங்களுக்கு எதிரான இத்தகைய எண்ணங்கள் கவலையளிப்பதாகக் குறிப்பிட்டார்.

நீதிமன்றம் இவர்களின் கோரிக்கையைத் திட்டவட்டமாக நிராகரித்ததோடு, சம்பந்தப்பட்ட தம்பதிகளுக்கு முறையான மனநல ஆலோசனை வழங்க உத்தரவிட்டுள்ளது. முறையான சட்ட விதிமுறைகளின் கீழ் விவாகரத்து பெறாமல் இத்தகைய விநோத கோரிக்கைகளை முன்வைப்பது சட்டத்தை அவமதிக்கும் செயல் என்றும் எச்சரிக்கப்பட்டது. தற்காலத் திருமண உறவுகளில் ஏற்பட்டுள்ள இத்தகைய மாற்றங்கள் சமூக ஆர்வலர்களிடையே பெரும் அதிர்ச்சியை ஏற்படுத்தியுள்ளது.