பட்டாசு கடைகளை 7 நாட்கள் கடைகளைத் திறக்க தடை - மீறினால் கடும் நடவடிக்கை!

தமிழக சட்டமன்றத் தேர்தல் களம் உச்சகட்ட பரபரப்பை எட்டியுள்ள நிலையில், தூத்துக்குடி மாவட்டத்தில் பலத்த பாதுகாப்பு ஏற்பாடுகள் செய்யப்பட்டு வருகின்றன. தேர்தல் வாக்குப்பதிவு மற்றும் வாக்கு எண்ணிக்கை அமைதியாக நடைபெறுவதை உறுதி செய்யும் வகையில், மாவட்டத்தில் உள்ள அனைத்து வெடிபொருள் கடைகளையும் குறிப்பிட்ட 7 நாட்களுக்கு மூட மாவட்ட நிர்வாகம் அதிரடி உத்தரவு பிறப்பித்துள்ளது.

தேர்தல் ஆணையத்தின் அறிவுறுத்தலின்படி, இரு கட்டங்களாகக் கடைகளை மூட உத்தரவிடப்பட்டுள்ளது: முதல் கட்டம் (வாக்குப்பதிவு)  ஏப்ரல் 21 முதல் ஏப்ரல் 24-ம் தேதி வரை. இரண்டாம் கட்டம் (வாக்கு எண்ணிக்கை): மே 2 முதல் மே 4-ம் தேதி வரை.

தேர்தல் நேரத்தில் எவ்வித அசம்பாவிதங்களும் நடைபெறாமல் இருக்கவும், வன்முறைகளைத் தவிர்க்கவும் இந்த முன்னெச்சரிக்கை நடவடிக்கை எடுக்கப்பட்டுள்ளது. பட்டாசு கடைகள் மற்றும் வெடிபொருள் கிடங்குகள் இந்த உத்தரவைச் சரியாகப் பின்பற்றுவதை உறுதி செய்ய வருவாய்த்துறை மற்றும் காவல்துறை அதிகாரிகள் தீவிரக் கண்காணிப்பில் ஈடுபட உள்ளனர்.

நிர்ணயிக்கப்பட்ட நாட்களில் கடைகளைத் திறந்து வைத்தாலோ அல்லது விதிமீறி விற்பனை செய்தாலோ உரிமம் ரத்து செய்யப்படுவதுடன், கடும் சட்ட நடவடிக்கை எடுக்கப்படும் எனவும் எச்சரிக்கப்பட்டுள்ளது. தூத்துக்குடி மாவட்ட மக்களின் பாதுகாப்பு மற்றும் அமைதியான தேர்தல் முறைக்காக இந்தத் தற்காலிகத் தடை அமல்படுத்தப்பட்டுள்ளது.