ஆத்தங்கரையில் எமனாக வந்த முதலை... 12 அடி அரக்கனிடம் சிக்கி இளைஞர் பரிதாபப் பலி!
குஜராத் மாநிலம் வதோதரா பகுதியில் உள்ள விஸ்வாமித்ரி ஆற்றங்கரையில், 12 அடி நீளம் கொண்ட ராட்சத முதலை ஒன்று கரையில் நின்றிருந்த பசு மாட்டை வேட்டையாடிய கோரச் சம்பவம் அரங்கேறியுள்ளது. ஆற்றோரம் மேய்ந்து கொண்டிருந்த அந்தப் பசுவை, தண்ணீருக்குள் பதுங்கியிருந்த முதலை மின்னல் வேகத்தில் வந்து அதன் கழுத்தைப் பிடித்து ஆற்றுக்குள் இழுத்துச் சென்றது. பார்ப்பவர் எவரையும் ஒரு நிமிடம் உறைய வைக்கும் இந்த வேட்டைச் சம்பவம், அங்குள்ள உள்ளூர் மக்களால் வீடியோ எடுக்கப்பட்டு தற்போது சமூக வலைதளங்களில் காட்டுத்தீயாகப் பரவி வருகிறது.
அந்த ராட்சத முதலை பசு மாட்டைத் தண்ணீருக்குள் இழுத்துச் சென்று துவம்சம் செய்யும் காட்சிகள் பார்ப்பதற்கே மிகவும் பயங்கரமாக உள்ளன. பசு மாடு தப்பிக்கப் போராடிய போதிலும், முதலையின் இரும்புக் கரங்களில் இருந்து அதனால் மீள முடியாமல் போனது பெரும் சோகத்தை ஏற்படுத்தியுள்ளது. விஸ்வாமித்ரி ஆற்றில் ஏற்கனவே நூற்றுக்கணக்கான முதலைகள் உள்ள நிலையில், தற்போது கோடை காலம் என்பதால் அவை தண்ணீரைத் தேடி ஊருக்குள் நுழையத் தொடங்கியிருப்பது அந்தப் பகுதி மக்களிடையே பெரும் பீதியை கிளப்பியுள்ளது.
இந்தச் சம்பவம் குறித்துத் தகவல் அறிந்த வனத்துறையினர், பொதுமக்கள் யாரும் ஆற்றங்கரைப் பகுதிகளுக்குச் செல்ல வேண்டாம் என எச்சரிக்கை விடுத்துள்ளனர். குறிப்பாகக் கால்நடைகளை ஆற்றுக்கு அருகில் அழைத்துச் செல்ல வேண்டாம் என்றும், மாலை நேரங்களில் ஆற்றோரம் நடமாடுவதைத் தவிர்க்க வேண்டும் என்றும் அறிவுறுத்தப்பட்டுள்ளது. 12 அடி நீள அரக்க முதலை பசுவை வேட்டையாடும் இந்த மிரட்டலான வீடியோ, இயற்கையின் கொடூர முகத்தை மீண்டும் ஒருமுறை உலகிற்கு உணர்த்தியுள்ளது.