சேப்பாக்கத்தில் சிஎஸ்கே ‘பேட்டிங்’! டாஸ் வென்ற டெல்லி பந்துவீச்சு தேர்வு!

ஐபிஎல் 2026 தொடரின் 18-வது லீக் ஆட்டத்தில் இன்று பலப்பரீட்சை நடத்துகின்றன சென்னை சூப்பர் கிங்ஸ் மற்றும் டெல்லி கேபிட்டல்ஸ் அணிகள். சென்னை சேப்பாக்கம் மைதானத்தில் நடைபெறும் இந்தப் போட்டியில், டாஸ் வென்ற டெல்லி கேபிட்டல்ஸ் அணியின் கேப்டன் படேல்  முதலில் பந்துவீச்சைத் தேர்வு செய்துள்ளார்.

டாஸ் இழந்த சென்னை சூப்பர் கிங்ஸ் அணி முதலில் பேட்டிங் செய்ய களம் இறங்குகிறது. சேப்பாக்கம் மைதானம் பொதுவாக ஆட்டத்தின் இரண்டாம் பாதியில் மெதுவாக மாறும் என்பதால், முதலில் பேட்டிங் செய்து ஒரு பெரிய இலக்கை டெல்லிக்கு நிர்ணயிக்க சென்னை கேப்டன் ருதுராஜ் கெய்க்வாட் திட்டமிட்டுள்ளார்.

இன்றைய ஆட்டத்திலும் ரசிகர்களின் ஆசை நாயகன் எம்.எஸ். தோனி களமிறங்கவில்லை. அவரது கணுக்கால் காயம் இன்னும் முழுமையாகக் குணமடையாததால், அவர் இந்தப் போட்டியில் விளையாடவில்லை என கேப்டன் ருதுராஜ் உறுதிப்படுத்தியுள்ளார். தோனிக்கு பதிலாக சஞ்சு சாம்சன் விக்கெட் கீப்பிங் பணியை மேற்கொள்கிறார்.

சென்னை அணிக்கு ஒரு மிகப்பெரிய பலமாக, தென்னாப்பிரிக்காவின் இளம் அதிரடி வீரர் டிவால்ட் பிரெவிஸ் இன்றைய ஆட்டத்தில் களமிறங்குகிறார். காயம் காரணமாக முதல் மூன்று போட்டிகளில் விளையாடாத அவர், தற்போது முழுத் தகுதியுடன் சென்னை அணிக்காகத் தனது முதல் போட்டியில் விளையாட உள்ளார். மிடில் ஆர்டரில் இவரது வருகை சென்னை அணியின் ரன் வேகத்தை அதிகரிக்கும் என எதிர்பார்க்கப்படுகிறது.

சென்னை சூப்பர் கிங்ஸ் அணி இதுவரை விளையாடிய 3 போட்டிகளிலும் தோல்வியடைந்து புள்ளிப்பட்டியலில் கடைசி இடத்தில் இருக்கும் சென்னைக்கு, இந்தப் போட்டி வாழ்வா-சாவா போராட்டமாகும். டெல்லி கேபிட்டல்ஸ் அணி 3 போட்டிகளில் 2 வெற்றிகளுடன் டெல்லி அணி வலுவான நிலையில் உள்ளது. சென்னை அணியின் தொடர் தோல்விகளுக்கு இன்று முற்றுப்புள்ளி வைக்கப்படுமா? அல்லது டெல்லி தனது ஆதிக்கத்தைத் தொடருமா? என்பதைப் பொறுத்திருந்து பார்ப்போம்.