வாடிக்கையாளர்கள் அதிர்ச்சி... வீடு, வாகனக் கடன் வட்டி விகிதங்களை உயர்த்தியது எஸ்பிஐ வங்கி!

இந்திய ரிசர்வ் வங்கி ரெப்போ வட்டி விகிதத்தை உயர்த்தியதைத் தொடர்ந்து, நாட்டின் பொதுத்துறை வங்கியான பாரத ஸ்டேட் வங்கி தனது பல்வேறு விதமான கடன் வட்டி விகிதங்களை உயர்த்தியுள்ளது. இந்த புதிய வட்டி உயர்வு நடைமுறைக்கு வந்துள்ளது. குறிப்பிட்ட கால அளவுகளுக்கான விளிம்புநிலை அடமான வட்டி விகிதங்கள் 15 அடிப்படைப் புள்ளிகள் வரை உயர்த்தப்பட்டுள்ளன.

இதன் காரணமாக, 3 ஆண்டுகாலக் கடன்களுக்கான வட்டி விகிதம் முன்பு இருந்த 8.80 சதவீதத்தில் இருந்து தற்போது 8.95 சதவீதமாக அதிகரிக்கப்பட்டுள்ளது. எஸ்பிஐ வங்கியில் ஏற்கனவே வீட்டுக்கடன், வாகனக் கடன் மற்றும் இதர கடன் வகைகளைப் பெற்றுள்ள வாடிக்கையாளர்களுக்கு மாதாந்திரத் தவணைத் தொகை கணிசமாக உயரும் சூழல் ஏற்பட்டுள்ளது.