வங்கக்கடலில் உருவானது புயல்சின்னம்... தமிழகத்தில் கனமழை எச்சரிக்கை!

தென்மேற்கு வங்கக்கடல் பகுதியில் நிலவிவந்த ஆழ்ந்த காற்றழுத்த தாழ்வுப் பகுதி, தற்போது காற்றழுத்த தாழ்வு மண்டலமாக வலுப்பெற்றுள்ளது. இது அடுத்த 36 மணி நேரத்தில் தீவிரப் புயலாக மாறக்கூடும் என வானிலை ஆய்வாளர்கள் எச்சரித்துள்ளனர்.

வங்கக்கடலில் நிலவிவரும் வளிமண்டல மேலடுக்கு சுழற்சி மற்றும் தீவிர காற்றழுத்த தாழ்வுப் பகுதியானது தற்போது காற்றழுத்த தாழ்வு மண்டலமாக உருவெடுத்துள்ளது. இது மேலும் வலுவடைந்து அடுத்த 36 மணி நேரத்திற்குள் புயலாக உருவெடுக்கும் என்று எதிர்பார்க்கப்படுகிறது.

புயலின் நகரும் திசை மற்றும் அது எந்தப் பகுதியில் கரையைக் கடக்கும் என்பது குறித்த கூடுதல் தகவல்களை வானிலை ஆய்வு மையம் தொடர்ந்து கண்காணித்து வருகிறது.

புயல் சின்னம் காரணமாகக் கடலோரப் மாவட்டங்களில் வானிலை மாற்றங்கள் தீவிரமடையத் தொடங்கியுள்ளன. கடல் கொந்தளிப்புடன் காணப்படும் என்பதால் மீனவர்கள் ஆழ்கடலுக்குச் செல்ல வேண்டாம் என்றும், ஏற்கனவே கடலில் உள்ளவர்கள் உடனடியாகக் கரைக்குத் திரும்புமாறும் அறிவுறுத்தப்பட்டுள்ளனர்.