சிவகாசி பட்டாசு ஆலை வெடிவிபத்தில் பலி எண்ணிக்கை 4 ஆக அதிகரிப்பு - 11 பேர் கைது!

விருதுநகர் மாவட்டம் சிவகாசி அருகே சிவகாசி அருகேயுள்ள செங்கமலப்பட்டி பகுதியில் சட்டவிரோதமாக இயங்கி வந்த பட்டாசு உற்பத்தி கூடத்தில் ஏற்பட்ட வெடி விபத்தில் சிக்கி உயிரிழந்தவர்களின் எண்ணிக்கை 4 ஆக உயர்ந்துள்ளது. இச்சம்பவம் தொடர்பாகப் போலீசார் 11 பேரைக் கைது செய்து தீவிர விசாரணை நடத்தி வருகின்றனர்.

செங்கமலப்பட்டி பகுதியில் உரிய அனுமதியின்றித் தகர ஷெட் அமைத்து ரகசியமாகப் பட்டாசுகள் தயாரிக்கும் பணி நடைபெற்று வந்துள்ளது. பட்டாசு தயாரிப்பில் தொழிலாளர்கள் ஈடுபட்டிருந்த போது, எதிர்பாராதவிதமாக உராய்வு ஏற்பட்டு ஆலை முழுவதும் தீப்பிடித்துச் சிதறியது. விபத்தின் தீவிரத்தால் தொழிலாளர்கள் உடல் கருகி உயிரிழந்தனர்: விபத்து நடந்த கணத்திலேயே 2 தொழிலாளர்கள் சம்பவ இடத்திலேயே உடல் கருகிப் பரிதாபமாக உயிரிழந்தனர். படுகாயமடைந்தவர்கள் மீட்கப்பட்டு மருத்துவமனையில் அனுமதிக்கப்பட்ட நிலையில், அங்கு தீவிர சிகிச்சையில் இருந்த மேலும் இருவர் அடுத்தடுத்து சிகிச்சை பலனின்றி உயிரிழந்தனர். இதனால் பலி எண்ணிக்கை 4 ஆக அதிகரித்துள்ளது. இச்சம்பவம் குறித்துக் வழக்குப்பதிவு செய்த காவல் துறையினர் அதிரடி நடவடிக்கைகளை மேற்கொண்டுள்ளனர்:

சட்டவிரோதமாகத் தகர ஷெட் அமைத்துப் பட்டாசு தயாரிப்பில் ஈடுபட்ட உரிமையாளர்கள் மற்றும் தொடர்புடைய 11 பேரைக் காவல் துறையினர் கைது செய்துள்ளனர். விபத்து நடந்த இடத்தில் போலீசார் நடத்திய சோதனையில், பல லட்சம் ரூபாய் மதிப்பிலான சட்டவிரோதப் பட்டாசுகள் மற்றும் அதற்குப் பயன்படுத்தப்பட்ட வேதிப் பொருட்கள் பறிமுதல் செய்யப்பட்டுள்ளன.