குமரி பகவதி அம்மன் கோயிலுக்கு ரூ.6 கோடி மதிப்பிலான தங்க சிலை வழங்கிய பக்தர்!

 
கன்னியாகுமரி குமரி பகவதி அம்மன்
கன்னியாகுமரி மாவட்டத்தில் அமைந்துள்ள பகவதி அம்மன் கோயிலுக்கு ரூ.6 கோடி மதிப்பிலான தங்கத்தால் செய்யப்பட்ட அம்மன் சிலையை கேரள பக்தர் ரவிப்பிள்ளை என்பவர் கோயில் நிர்வாகிகளிடம் காணிக்கையாக வழங்கினார்.

கன்னியாகுமரி பகவதி அம்மன் கோயிலுக்கு இந்தியா மட்டுமின்றி, உலகம் முழுவதுமிருந்தும் ஏராளமான பக்தர்கள் வந்து வழிபட்டு செல்கின்றனர். அவர்கள் தங்கள் விருப்பம் நிறைவேற காணிக்கை வழங்குவது வழக்கம்.

மண்டைக்காடு பகவதி அம்மன் கோவில்

இந்நிலையில், கேரள மாநிலம் கொல்லத்தைச் சேர்ந்த தொழிலதிபர் ரவிப்பிள்ளை(61), ரூ. 6 கோடி மதிப்பில், 6 கிலோ 800 கிராம் தங்கத்தால் செய்யப்பட்ட தேவி குமாரி (பகவதி அம்மன்) சிலையை கோயிலுக்கு காணிக்கையாக வழங்கினார். அதை, மாவட்ட அறங்காவலர் குழுத் தலைவர் பிரபா ராமகிருஷ்ணன் பெற்றுக்கொண்டார். அறநிலையத் துறை இணை ஆணையர் ஜான்சிராணி, கோயில் மேலாளர் ஆனந்த் உடனிருந்தனர்.

பின்னர், அம்மன் சிலை மூலஸ்தான கருவறை வாயிலில் வைக்கப்பட்டு, பூஜைகள் நடைபெற்றன. தொடர்ந்து, கொலு மண்டபம் கொண்டுவரப்பட்டு, சிலையின் எடை மற்றும் அளவுகள் சரிபார்த்து, பதிவு செய்யப்பட்டது.

ஆற்றுக்கால் பகவதி

பகவதியம்மன் கோயிலில் தினமும் காலை, மதியம், மாலை என 3 வேளைகளில் அம்மன் சிலைக்கு பூஜை செய்து, கோயிலைச் சுற்றி வலம் வரும் வைபவம் நடைபெற்று வருகிறது. இதற்கு வெள்ளியிலான அம்மன் சிலை பயன்படுத்தப்பட்டு வந்தது. தற்போது தினசரி மூன்று வேளை பூஜைக்காக அம்மன் தங்கச் சிலையை தொழிலதிபர் ரவிப்பிள்ளை காணிக்கையாக வழங்கியுள்ளார். சிலையை வைப்பதற்காக 3 கிலோ எடையில் ஆமை உருவம் கொண்ட வெள்ளி பீடத்தையும் அவர் வழங்கினார்.

“கன்னியாகுமரி பகவதியம்மன் கோயிலுக்கு தங்க அம்மன் சிலையை வழங்கிய நேர்த்திக் கடனால், எனது வாழ்நாள் லட்சியம் நிறைவேறி, பெரும் புண்ணியம் பெற்றதாக உணர்கிறேன். இந்தச் சிலையை கேரள மாநிலம் வைக்கத்தைச் சேர்ந்த கைலாஷ் குழுவினர் வடிவமைத்தனர்” என்று ரவிப்பிள்ளை தெரிவித்தார்

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க! 

From around the web