நாளை அண்ணா அறிவாலயத்தில் திமுக எம்.பி.க்கள் கூட்டம் - பொதுச்செயலாளர் துரைமுருகன் அறிவிப்பு!

கழகத் தலைவர் மு.க.ஸ்டாலின் தலைமையில் திமுக மக்களவை மற்றும் மாநிலங்களவை உறுப்பினர்கள் கூட்டம் நடைபெறவுள்ளதாகக் கட்சியின் பொதுச்செயலாளர் துரைமுருகன் அறிவித்துள்ளார்.

இது தொடர்பாகத் துரைமுருகன் வெளியிட்டுள்ள அறிவிப்பில், "கழகத் தலைவர் மு.க.ஸ்டாலின் அவர்கள் தலைமையில், கழக மக்களவை மற்றும் மாநிலங்களவை உறுப்பினர்கள் கூட்டம் வரும் அக்டோபர் 17-ம் தேதி (சனிக்கிழமை) காலை 11.00 மணிக்குத் சென்னை, அண்ணா அறிவாலயத்தில் உள்ள 'முரசொலி மாறன் வளாகத்தில்' அமைந்துள்ள கூட்ட அரங்கில் நடைபெறும்" என்று குறிப்பிடப்பட்டுள்ளது.

நாடாளுமன்றக் கூட்டத்தொடர் மற்றும் நடப்பு அரசியல் விவகாரங்கள் குறித்து விவாதிக்கப்பட உள்ள இக்கூட்டத்தில், திமுக மக்களவை மற்றும் மாநிலங்களவை உறுப்பினர்கள் அனைவரும் எந்தவிதத் தவறும் இன்றித் தவறாமல் கலந்துகொள்ளுமாறு கேட்டுக்கொள்ளப்பட்டுள்ளனர்.