நாளை தவெக எம்எல்ஏக்கள், மாவட்ட செயலாளர் கூட்டம் அறிவிப்பு!

தமிழக வெற்றிக் கழகத்தின் (தவெக) அமைச்சர்கள், எம்.எல்.ஏ.க்கள் மற்றும் மாவட்ட செயலாளர்கள் பங்கேற்கும் அவசர ஆலோசனைக் கூட்டம் நாளை சென்னையில் நடைபெறவுள்ளதாக அறிவிக்கப்பட்டுள்ளது. 

கட்சியின் கொள்கை முடிவுகள் மற்றும் அடுத்தகட்ட நகர்வுகள் குறித்து விவாதிப்பதற்காக இந்த உயர்மட்டக் கூட்டம் கூட்டப்பட்டுள்ளது. நாளை ஜூன் 11ம் தேதி வியாழக்கிழமை மாலை 3 மணி அளவில், சென்னை பனையூரில் உள்ள தவெக தலைமை அலுவலகத்தில் இக்கூட்டம் நடைபெறுகிறது. தவெகவின் பொதுச்செயலாளர் என். ஆனந்த் இக்கூட்டத்திற்குத் தலைமை தாங்கி நடத்தவுள்ளார். கட்சியின் உள்கட்டமைப்பு மற்றும் நிர்வாக ரீதியான பல மாற்றங்கள் குறித்து இக்கூட்டத்தில் விரிவாக ஆலோசிக்கப்பட உள்ளது.

சமீபத்தில் அதிமுக போன்ற மாற்று கட்சிகளில் இருந்து விலகி தவெகவில் இணைந்த மூத்த தலைவர்களுக்கு வழங்க வேண்டிய பொறுப்புகள், கட்சியின் அடுத்தகட்ட அரசியல் செயல்பாடுகள் மற்றும் உட்கட்சி அமைப்புப் பணிகளைத் தீவிரப்படுத்துவது குறித்து இதில் முக்கிய முடிவுகள் எடுக்கப்படவுள்ளன.

தமிழக முதலமைச்சரும், தவெக கட்சித் தலைவருமான விஜய் அவர்கள் இன்று அரசு மற்றும் அரசியல் சார்ந்த சில முக்கிய பணிகளுக்காக டெல்லி சென்றுள்ளார். எனவே, கட்சித் தலைவர் விஜய் அவர்கள் முன்னிலையின்றி, பொதுச்செயலாளர் என். ஆனந்த் தலைமையில் இந்த ஆலோசனைக் கூட்டம் முழுமையாக நடைபெறவுள்ளது குறிப்பிடத்தக்கது.

தலைவர் டெல்லியில் இருக்கும் வேளையில், சென்னையில் தவெகவின் அமைச்சர்களும், சட்டமன்ற உறுப்பினர்களும் அவசரமாகக் கூடி விவாதிக்கவிருப்பது அரசியல் வட்டாரத்தில் கூடுதல் கவனத்தைப் பெற்றுள்ளது.