திமுக வேட்பாளர் பட்டியல் வெளியானது: முக்கியத் தொகுதிகளும் நட்சத்திர வேட்பாளர்களும்!

திமுக தலைவர் மு.க. ஸ்டாலின் வெளியிட்டுள்ள 164 வேட்பாளர்கள் கொண்ட பட்டியலில், கட்சியின் மூத்த தலைவர்கள் மற்றும் அமைச்சர்கள் மீண்டும் அதே தொகுதிகளில் களம் காண்கின்றனர்.

சென்னை மண்டலம்:
கொளத்தூர்: மு.க. ஸ்டாலின் (முதல்வர்)

சேப்பாக்கம் - திருவல்லிக்கேணி: உதயநிதி ஸ்டாலின் (துணை முதல்வர்)

காட்பாடி: துரைமுருகன் (அமைச்சர்)

திருவண்ணாமலை: எ.வ. வேலு (அமைச்சர்)

சைதாப்பேட்டை: மா. சுப்பிரமணியன் (அமைச்சர்)

ஆலந்தூர்: தா.மோ. அன்பரசன் (அமைச்சர்)

ஆவடி: சா.மு. நாசர்

மாதவரம்: எஸ். சுதர்சனம்

வில்லிவாக்கம்: ஏ. வெற்றி அழகன்

டெல்டா மற்றும் மத்திய மண்டலம்:
திருச்சி மேற்கு: கே.என். நேரு (அமைச்சர்)

திருச்சி கிழக்கு: இனிகோ இருதயராஜ்

திருவாரூர்: பூண்டி கலைவாணன்

மன்னார்குடி: டி.ஆர்.பி. ராஜா (அமைச்சர்)

கும்பகோணம்: சாக்கோட்டை அன்பழகன்

நன்னிலம்: ஜோதிராமன் (புதிய முகம்)

தெற்கு மண்டலம்:
மதுரை மத்தி: பி.டி.ஆர். பழனிவேல் தியாகராஜன் (அமைச்சர்)

மதுரை கிழக்கு: பி. மூர்த்தி (அமைச்சர்)

தூத்துக்குடி: கீதா ஜீவன் (அமைச்சர்)

திருச்செந்தூர்: அனிதா ராதாகிருஷ்ணன் (அமைச்சர்)

பாளையங்கோட்டை: அப்துல் வஹாப்

கொங்கு மற்றும் மேற்கு மண்டலம்:
ஈரோடு மேற்கு: சு. முத்துசாமி (அமைச்சர்)

அந்தியூர்: ஏ.ஜி. வெங்கடாசலம்

பொள்ளாச்சி: வரதராஜன்

உடுமலைப்பேட்டை: தென்னரசு (புதிய முகம்)

2026 தமிழகச் சட்டமன்றத் தேர்தலுக்கான திமுகவின் வேட்பாளர் பட்டியல், அக்கட்சியின் பாரம்பரிய அரசியல் நகர்வுகளில் இருந்து ஒரு படி மேலே சென்று, 'கல்வி மற்றும் இளமை' ஆகியவற்றுக்கு அதிக முக்கியத்துவம் அளிக்கும் வகையில் வடிவமைக்கப்பட்டுள்ளது. 164 தொகுதிகளில் போட்டியிடும் திமுக வேட்பாளர்களின் சிறப்பம்சங்கள் பார்க்கலாம். 

திமுக வரலாற்றிலேயே இல்லாத வகையில், இந்த முறை வேட்பாளர்களில் சுமார் 80 சதவீதம் பேர் பட்டதாரிகளாக உள்ளனர். மொத்தம் 164 வேட்பாளர்களில் 125 பேர் உயர்கல்வி கற்றவர்கள் என்பது குறிப்பிடத்தக்கது. 

வழக்கறிஞர்கள்: 29 பேர், பொறியாளர்கள்: 17 பேர், மருத்துவர்கள்: 15 பேர், முனைவர்கள்: 7 பேர், 60-க்கும் மேற்பட்ட 'புதிய முகங்கள்'. தொடர்ந்து ஒரே நபர்களுக்கு வாய்ப்பு அளிக்கப்படுகிறது என்ற விமர்சனத்தை முறியடிக்கும் வகையில், இந்த முறை 60-க்கும் மேற்பட்ட தொகுதிகளில் புதிய முகங்கள் களமிறக்கப்பட்டுள்ளனர்.

கட்சியின் அடிமட்டத் தொண்டர்கள் மற்றும் இளைஞர் அணியைச் சேர்ந்த துடிப்பான இளைஞர்களுக்கு இந்தப் பட்டியலில் இடம் கிடைத்துள்ளது. இதன் மூலம் கட்சியின் இரண்டாம் கட்டத் தலைமையை வலுப்படுத்த திமுக தலைமை திட்டமிட்டுள்ளது.

இந்த முறை 18 பெண் வேட்பாளர்களுக்கு வாய்ப்பு அளிக்கப்பட்டுள்ளது. கடந்த தேர்தல்களை விடப் பெண் வேட்பாளர்களின் எண்ணிக்கையை உயர்த்துவதன் மூலம் பெண் வாக்காளர்களைக் கவர திமுக முயன்றுள்ளது. அனைத்து சமூகங்களுக்கும் இடம்: சாதிவாரியான சமநிலையைப் பேணுவதில் திமுக தலைமை இம்முறை அதிகக் கவனம் செலுத்தியுள்ளது. குறிப்பாக, சிறுபான்மையினர் மற்றும் ஒடுக்கப்பட்ட சமூகத்தைச் சேர்ந்தவர்களுக்கு உரிய விகிதாச்சாரத்தில் இடங்கள் ஒதுக்கப்பட்டுள்ளன.

திமுக நேரடியாக 164 தொகுதிகளில் உதயசூரியன் சின்னத்தில் போட்டியிடுகிறது. மீதமுள்ள தொகுதிகள் கூட்டணி கட்சிகளான காங்கிரஸ், விசிக, இடதுசாரிகள் மற்றும் மதிமுக ஆகியவற்றுக்குப் பிரித்து வழங்கப்பட்டுள்ளன. இருப்பினும், சில சிறிய கூட்டணி கட்சிகளும் உதயசூரியன் சின்னத்திலேயே போட்டியிட வாய்ப்புள்ளது.