திமுகவில் இனி 110 மாவட்டச் செயலாளர்கள் ... மு.க.ஸ்டாலின் அறிவிப்பு!

திமுகவில் 110 மாவட்டச் செயலாளர்களை நியமிப்பதற்கு வசதியாகத் தொகுதிகளைப் பிரித்துத் திமுக தலைவர் மு.க.ஸ்டாலின் அறிவிப்பு வெளியிட்டுள்ளார். இரண்டு தொகுதிகளுக்கு ஒரு மாவட்டச் செயலாளர் வீதம் புதிய நிர்வாகிகள் நியமிக்கப்படுவதாக மு.க.ஸ்டாலின் முறைப்படி அறிவித்துள்ளார். ஒரு சில மாவட்டச் செயலாளர்கள் மட்டும் கூடுதலாக 3 தொகுதிகளைக் கவனிக்கும் வகையில் இதற்கான சிறப்பு ஏற்பாடுகள் செய்யப்பட்டுள்ளன.

கடந்த 22.8.2026 அன்று நடைபெற்ற திமுக தலைமை செயற்குழுக் கூட்டத்தில் நிர்வாகச் சீரமைப்புத் தொடர்பான மிகமுக்கியமான முடிவுகள் எடுக்கப்பட்டன. திமுக தொடங்கப்பட்ட நாள் முதல் இதுவரை 15 முறை கழக அமைப்புரீதியாகத் தேர்தல் நடத்தப்பட்டு நிர்வாகிகள் தேர்ந்தெடுக்கப்பட்டுள்ளனர். இதன் தொடர்ச்சியாக 16-வது கழக அமைப்புத் தேர்தலை நடத்திடவும் பல்வேறு நிர்வாக மாற்றங்களை மேற்கொள்ளவும் பல முக்கியத் தீர்மானங்கள் நிறைவேற்றப்பட்டுள்ளன.

தற்போதுள்ள மாவட்டக் கழகங்களின் எண்ணிக்கையை 77-லிருந்து 110-ஆக அதிகரித்து எல்லைகளை வரையறுக்கும் அதிகாரம் தலைவருக்கு வழங்கப்பட்டது. மறுசீரமைப்புக் குழுவின் பரிந்துரைகள் மற்றும் முன்னணி நிர்வாகிகளுடன் நடத்தப்பட்ட ஆலோசனைகளின் அடிப்படையில் இந்தப் பகுப்பு முறை வெளியிடப்பட்டுள்ளது. குறிப்பாக, அதிகமான மக்கள் தொகை அடர்த்திவைக் கருத்தில் கொண்டு சோழிங்கநல்லூர் தொகுதி மட்டும் தனி மாவட்டமாக அறிவிக்கப்பட்டுள்ளதும் குறிப்பிடத்தக்கது ஆகும்.