திமுக கூட்டணி 'சீட்' பங்கீடு ஓவர்... யாருக்கு எத்தனை தொகுதி? முழு விவரம் இதோ!

2026 தமிழக சட்டமன்றத் தேர்தலை எதிர்கொள்ள ஆளும் திமுக தனது கூட்டணிக் கட்சிகளுடன் தொகுதிப் பங்கீட்டை வெற்றிகரமாக முடித்துள்ளது. 'உதயசூரியன்' சின்னத்தில் மட்டும் 175 தொகுதிகளில் போட்டியிட்டுத் தனிப்பெரும் மெஜாரிட்டியைப் பிடிக்கத் திட்டமிட்டுள்ள திமுக, தனது நீண்டகாலக் கூட்டணிக் கட்சிகளுக்கும், புதிதாக இணைந்துள்ள தேமுதிகவிற்கும் தொகுதிகளைப் பிரித்து வழங்கியுள்ளது. இந்தத் தொகுதிப் பங்கீடு ஒப்பந்தங்கள் அனைத்தும் அறிவாலயத்தில் முதல்வர் மு.க.ஸ்டாலின் முன்னிலையில் கையெழுத்தாகியுள்ளன.

இந்தக் கூட்டணியில் திமுகவிற்கு அடுத்தபடியாக காங்கிரஸ் கட்சிக்கு 28 தொகுதிகள் ஒதுக்கப்பட்டுள்ளன. இந்த முறை ஆச்சரியமான ஒரு திருப்பமாக, புதிதாகக் கூட்டணியில் இணைந்த பிரேமலதா விஜயகாந்த் தலைமையிலான தேமுதிகவிற்கு 10 தொகுதிகள் வழங்கப்பட்டுள்ளன. அதேபோல், விடுதலைச் சிறுத்தைகள் கட்சிக்கு (விசிக) கடந்த முறையை விட கூடுதலாக 2 இடங்கள் ஒதுக்கப்பட்டு, மொத்தம் 8 தொகுதிகள் வழங்கப்பட்டுள்ளன. இதில் 6 தனித் தொகுதிகளும், 2 பொதுத் தொகுதிகளும் அடங்கும்.

கூட்டணிக் கட்சிகளின் சீட் விவரம்:

மறுபுறம், கமல்ஹாசனின் மக்கள் நீதி மய்யம் இந்தத் தேர்தலில் போட்டியிடாமல் திமுக கூட்டணிக்குத் தனது முழு ஆதரவைத் தெரிவித்துள்ளது. மதிமுகவிற்கு ஒதுக்கப்பட்ட 4 இடங்களில் 3 இடங்களில் உதயசூரியன் சின்னத்திலேயே அவர்கள் போட்டியிடுகின்றனர். தொகுதிப் பங்கீடு முடிந்துள்ள நிலையில், எந்தெந்தக் கட்சிக்கு எந்தெந்தத் தொகுதிகள் என்பது குறித்த அதிகாரப்பூர்வப் பட்டியல் இன்னும் ஓரிரு நாட்களில் வெளியாகும் என எதிர்பார்க்கப்படுகிறது. 200 இடங்களுக்கு மேல் வெற்றி பெற்று மீண்டும் ஸ்டாலின் முதல்வராவார் என கூட்டணிக் கட்சித் தலைவர்கள் நம்பிக்கை தெரிவித்துள்ளனர்.