இரட்டைக் கொலை வழக்கில் திடீர் திருப்பம்... கானா பாடகர்களைக் கொன்றதாக சிறுவர்கள் உட்பட 7 பேர் கைது!

சென்னை அடுத்த மணிமங்கலம் பகுதியில் நடைபெற்ற கானா பாடகர்கள் இரட்டைக் கொலை வழக்கில், காவல்துறையினர் தீவிர விசாரணை நடத்திச் சிறுவர்கள் உள்பட ஏழு பேரை அதிரடியாகக் கைது செய்துள்ளனர்.

கடந்த பதினாறாம் தேதியன்று லோகேஷ் என்பவரது வீட்டில் வைத்து பரத் மற்றும் சீனு ஆகிய இரு கானா பாடகர்களும் மர்ம நபர்களால் மிகக் கொடூரமாகக் கொலை செய்யப்பட்டனர். இக்கோரச் சம்பவம் சென்னை மற்றும் அதன் சுற்றுவட்டாரப் பகுதிகளில் பெரும் பரபரப்பையும் அதிர்ச்சியையும் ஏற்படுத்தியிருந்தது.

இந்தத் துயரமான இரட்டைக் கொலை வழக்கு குறித்து மணிமங்கலம் காவல்துறையினர் தனிப்படை அமைத்துத் தீவிரமாகப் புலனாய்வு செய்து வந்தனர். தற்பொழுது காவல்துறையினரால் கைது செய்யப்பட்டுள்ள குற்றவாளிகளில் சந்தோஷ் (23), ஐயப்பன் (26), வேலன் (19), குமரவேல் (20) மற்றும் கலைச்செல்வன் (20) ஆகிய ஐந்து வாலிபர்களும், இவர்களுடன் இக்கொலைச் சம்பவத்தில் நேரடியாகத் தொடர்புடைய இரண்டு சிறுவர்களும் அடங்குவர் எனப் போலீசார் தரப்பில் தெரிவிக்கப்பட்டுள்ளது.

கைது செய்யப்பட்டுள்ள நபர்களிடம் கொலைக்கான முக்கியக் பின்னணி மற்றும் காரணம் குறித்துக் காவல்துறையினர் தற்பொழுது தீவிர விசாரணை மேற்கொண்டு வருகின்றனர். கானா பாடகர்கள் இருவர் திட்டமிட்டுப் படுகொலை செய்யப்பட்ட இந்தச் சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ள நிலையில், குற்றவாளிகள் ஏழு பேரும் நீதிமன்றத்தில் ஆஜர்படுத்தப்பட்டுச் சிறையில் அடைக்கப்பட உள்ளனர்.